«Jūmyspen qamtu-2020» baǧdarlamasynyŋ jüzege asyryluy osy saladaǧy köptegen mäselelerdi şeşuge jol aşyp berdi.
Qazirgi küni memleketimiz jas mamandarǧa bar jaǧdaidy jasap, būryn-soŋdy tarihta bolmaǧan jūmysqa ornalastyru ortalyqtaryn aşyp qoidy. Kel, tirkel, oqy, bilimiŋdi synap kör.
Men de osy baǧdarlamanyŋ jemisin körip jürgen jas mamandardyŋ birimin.
«Jūmyspen qamtu-2020» baǧdarlamasynyŋ arqasynda özime tūraqty jūmys taptym.
Büginde «Astana qalasynyŋ mügedek balalar qoǧamy» qoǧamdyq birlestigine qarasty «Balam-ai» mümkindigi şekteuli balalardy damytu ortalyǧynda äleumettik qyzmetker bolyp jūmys isteimin.
Būrynǧynyŋ «Armansyz adam – qanatsyz qūs» degen mätelin bügingi zaman talabyna sai «Jūmyssyz adam – qanatsyz qūs» dep, qaljyŋdap jürgender bar. Är qaljyŋnyŋ astarynda bir şyndyq bar. Rasynda, jūmyssyzdyq derti soŋǧy jyldary tym örşip ketken-di. Joǧary oqu ornyn bitirgen köptegen jas mamandar diplomnan qaiyr joq ekenin ūǧynyp ülgerse, jū-mysqa endi ornalastym degen kei jas mamandar qysqartuǧa ūşyrap jatady.
Osy tūsta «Jūmyspen qamtu-2020» baǧdarlamasynyŋ qabyldanuy biz sekildi jastarǧa ülken kömegin tigizdi.
Alǧaşqyda qanatqaqty joba retinde bastalsa, biyldan bastap jūmyspen qamtudyŋ naqty strategiialyq is-qimyl jospary retinde jüzege asyrylyp jatyr.
Joldau joldaryna köz jügirtsek, birinşi baǧyt qazaqstandyqtardy jūmyspen qamtuǧa arnalǧan.
Qazirgi kezde Prezidenttiŋ asa maŋyzdy tapsyrmasynyŋ barlyq öŋirde keŋinen qanat jaia tüskeni baiqalady.
Jer-jerden aşylǧan Jūmyspen qamtu ortalyqtaryna kelip, habarlasqan azamattardyŋ deni «eki qoldaryna bir kürek» tauyp jatyr. Arnauly bilimi joq azamattar da tirkelip, jaŋa käsip türlerin meŋgerip jatqany öz aldyna.
Men qalaǧan mamandyǧym boiynşa bilim aldym, diplomǧa qol jetkizdim. Qazir mamandyǧym boiynşa tūraqty jūmysym bar.
Şynymdy aitsam, būǧan deiin Astanada mūndai ortalyqtyŋ jūmys isteitininen habarsyz boldym. Osy mekemede äleumettik qyzmetkerlerge degen sūranystyŋ bar ekenin Jūmyspen qamtu ortalyǧy arqyly estip bildim. Jūmys beruşi men jūmysqa ornalastyruşy mekemelerdiŋ osylaişa özara jüieli bailanys ornatuynyŋ paidasyn osydan-aq köruge bolady.
«Balam-ai» ortalyǧy – erekşe mūqtajdyqtary bar mümkindigi şekteuli balalarǧa körsetiletin qoǧamdyq qyzmetterdiŋ sapasyn arttyru men ata-analarǧa psihologiialyq kömek körsetu maqsatynda qolǧa alynǧan arnaiy joba şeŋberinde erekşe sanatqa jatatyn balalardyŋ özekti mäselelerin şeşu maqsatynda qūrylǧan mekeme. Sondyqtan, biz sekildi äleumettik qyzmetkerler mūndai ortalyqtarǧa auadai qajet.
«Balam-ai» ortalyǧynyŋ qyzmetkerleri men ata-analardyŋ birlesken jūmysy nätijesinde mümkindigi şekteuli balalar qoǧamǧa beiimdelu men damudyŋ, oqu men şyǧarmaşylyq tūrǧydan ösudiŋ mümkindigine ie bolyp otyr, sondyqtan da atalǧan ortalyqtyŋ qazirgi taŋdaǧy qoǧamdyq maŋyzy airyqşa joǧary.
Jarylqasyn RAHMANOV,
«Balam-ai» mümkindigi şekteuli balalardy damytu ortalyǧynyŋ äleumettik qyzmetkeri
