«Jas qanat» dep atalǧan baiqau biyl taǧy da özınıŋ jiyrma bırınşı jeŋımpazyn anyqtady.
18-20 mamyr aralyǧynda elordadaǧy Kongress-Holl saraiynda jas oryndauşylardyŋ
respublikalyq «Jas qanat» baiqauy öttı.
Jylda “Jas qanatqa” zor ümıtpen köz tıgetın ädetımız. Sebebı, baiqau jyl saiyn qazaq estradasyna jaŋa bır esımdı äkeledı. Baiqaudyŋ bır kezdegı laureattary men diplomanttarynyŋ arasynan Medeu Arynbaev, Erlan Kökeev, «Ürker» toby, Baqyt Şadaeva, Nūrlan Abdullin, Maira Däuletbaqova, Baqytjan Qajymūqanov, Bauyrjan İsaev, Qūrmaş Mahanov, Mädina Säduaqasova sekıldı änşılerdıŋ şyǧuy – osynyŋ dälelı.
Ūiymdas tyruşylar biylǧy baiqaudyŋ basty erekşelıgı dep – qatysuǧa ötınış bergenderdıŋ sany rekordtyq körsetkışke jetkenın atap öttı.
Alaida, olardyŋ tek 16-sy ǧana baiqauǧa qatysu baqytyna ie boldy.
Baiqaualdy bır kün Būl künı baiqau qatysuşylary Astana qalasy Mädeniet basqarmasynyŋ bastyǧy Bolat Majaǧūlovpen kezdestı. Basqarma bastyǧy jeke kabinetınde jasqanattyqtardyŋ osymen ekınşı tolqynyn qabyldap otyrǧanyna quanyşty ekenın aitty.
«Qai-qaisyŋyz da jeŋımpaz boluǧa laiyqsyzdar. Bıraq, osy baiqauǧa qatysu mümkındıgıne ie bolǧandaryŋyzdyŋ özı ülken jeŋıs. Sızderge endıgı keregı – eŋbekqorlyq, tözımdılık, sabyrlylyq. Baiqaudyŋ basy-qasynda jürgen Mūrat Erǧaliev pen Aleksandr Ponomarevtyŋ «qoldary jeŋıl». Olar estradaǧa talai jūldyzdy alyp keldı. Sızderdı de solardyŋ qatarynan körem degen senımdemın»,– dedı.
Jobanyŋ Bas prodiusserı Mūrat Erǧaliev biylǧy baiqauǧa jurnalister tarapynan erekşe qyzyǧuşylyq tuyp jatqanyn aitty. Sözınıŋ dälelı retınde baiqauǧa qatysuşylar jaily jazyp jatqan bır buma gazet-jurnal-
dy qūşaqtai kelıptı.
Şymyldyq türılgen kün
Konkursta kımder qazylyq etetını baiqau bastaluyna sanauly sekund qalǧanǧa deiın qūpiia saqtaldy.
Şymyldyq t ü rı l ı p , s a hnaǧa jürgızuşıler şyqqannan keiın ǧana olardyŋ esımı belgılı boldy. Sonymen, qazylar alqasynyŋ tızgını Senat deputaty, Memlekettık syilyqtyŋ iegerı, kompozitor Tölegen Mūhamedjanovqa tapsyrylypty. Al, müşelıkke engender arasynda esımderı egjei-tegjeilı tanystyrudy qajet etpeitın Keŋes Düisekev, Mūrat Qūsaiynov, Nūrjamal Üsenbaeva, Maira Däuletbaqova, Baqyt Şadaeva syndy öner saŋlaqtary bar.
Baiqaudyŋ alǧy sözı Astana qalasy äkımı İmanǧali Tasmaǧambetovtyŋ qūttyqtau hatymen bastaldy. Qala basşysy öz sözınde Astananyŋ bügınde öner ordasyna ainalǧanyn, al «Jas qanat» baiqauynyŋ elordanyŋ mädeni ömırıne qosar ülesı zor ekenın atap ötıptı. Jastardyŋ jeŋıstı sätterı köp boluyna tılektestık
bıldırıptı.
Sahnaǧa alǧaş bop şyqqan Şyǧys Qazaqstannan kelgen Külaiym
Qaiyrbaevanyŋ «Aitarym joq», astanalyq Meruert Jeldıbaevanyŋ «Ūnatamyn», oraldyq Nazira
Hibaşevanyŋ «There you ll be», aqtöbelık Nūrbolat Abdullinnıŋ «Sezım ümıtı» änderın tyŋdarman jyly qabyldady. Al, aqtöbelık Dimaş Qūdaibergennıŋ ukrain tılınde şyrqaǧan «Iа liubliu tılki tebe» änınen keiın qazylar alqasy ony sahnanyŋ hanzadasy dep baǧalap jatty.
Ekınşı künı sahna törınde on alty önerpazdyŋ arasynan oza şapqan on üzdık öner körsettı.
Al, odan keiın aqtyq synǧa nebärı 5 önerpaz ǧana jol tartty.
Jiyrmas ynşy mamyr – jūldyzdy kün
Aqtyq syn. Şeşuşı kezeŋ. «Jas qanat» baiqauynyŋ körıgı naǧyz qyzǧan kün boldy būl.
Nebärı sanauly sekundtardan soŋ «Jas qanattyŋ» jiyrma bırınşı jūl dyzy jarqyrai janbaq .
Jeŋımpazdyŋ atyn jariialau üşın sahnaǧa ädılqazylar alqasy köterıldı. Körermennıŋ de, qatysuşylardyŋ da köŋılın küptı qylǧan qazylar alqasy jüldegerlerdıŋ esımın atai bastady.
Üşınşı oryn – Şyǧysqazaqstandyq Külaiym Qaiyrbaeva! Ekınşı oryn – astanalyq Gülnūr Damaeva! Bas jülde, «Altyn qanat» müsınşesınıŋ iegerı… Zal sıltıdei tyndy. Zaldaǧy myŋnan astam adam mikrofon aldyndaǧy qazylar alqasy töraǧasynyŋ auzyn baǧyp bır sät tyna qaldy. «Jas qanattyŋ» jiyrma bırınşı jeŋımpazy aqtöbelık Dimaş Qūdaiberge-e-en!» degen dauys şyǧysymen, bükıl zal öre türegelıp, qol şapalaqtai jöneldı.
Būl baiqau ädılqazylarynyŋ biylǧy taŋdauyna, «sahna hanzadasy» atanǧan Dimaştyŋ şynaiy önerıne degen körermennıŋ ystyq yqylasynan tuǧan qoşemet edı.
Şynar DOSAN
