Astana qalasynyŋ äkımı İmanǧali Tasmaǧambetov P.Chaikovskii atyndaǧy VIII halyqaralyq jasöspırımder baiqauynyŋ jeŋımpazy, talantty skripkaşy Ruslan Tūryntaevty qabyldady. Kezdesu barysynda qala basşysy önerpaz örendı jeŋısımen qūttyqtady.
«Jaraisyŋ, Ruslan! Sen ülken qūrmetke laiyqsyŋ! Būǧan deiın de bırneşe baiqaulardyŋ jeŋımpazy bolyp keldıŋ. Būl soŋǧysy emes dep oilaimyn. Eş närse oŋailyqpen kelmeidı. Är jeŋıstıŋ artynda eŋbek tūrady. Sondyqtan, senıŋ jetıstıgıŋ ülken maŋdai terıŋmen kelgenı anyq» dedı İmanǧali Tasmaǧambetov.
Jas skripkaşy bolsa, jeŋıske qol jetkızudıŋ oŋai bolmaǧanyn aitady. Baiqaudaǧy bäsekelesterı de osal emes. Degenmen, namysqa tyrysyp, baryn salǧan.
Ruslannyŋ jasy nebary on beste. Ol jetı jyldan berı skripkamen ainalysyp keledı. Jas daryn türlı halyqaralyq konkurstarda dara şauyp, elınıŋ daŋqyn aspandatyp jür. Jastyǧyna qaramastan, Omby, Orynbor, Mäskeu, Kuala-Lumpur qalalaryna, İtaliianyŋ Genuiasyna şaqyrylyp, öner körsettı. Ataqty skripkaşy Vladimir Spivakov Ruslanǧa «Qazaqstandyq Paganini» dep batasyn bergen eken. Oǧan qosa, Parijdegı ataqty nemıs şeberınıŋ qolynan şyqqan skripkany tartu ettı.
Qazırgı künde jas talant P.Chaikovskii atyndaǧy konservatoriia janyndaǧy Ortalyq muzykalyq mektepte professor, Resei halyq artisı İrina Bochkovanyŋ synybynda bılım aluda.
Aldaǧy uaqytta tuma talant öz elın barşa älemge tanymal etpek maqsatta.
Amandyq bolsa, Ruslan Tūryntaevtyŋ kögımızde älemdık jūldyz bolyp janatyn uaqyty da asa alys emes.
Erkejan SÄTIMBEK
