Jastar – memlekettıŋ keleşegı. Olardyŋ tärbielı jäne bılımdı bolyp qalyptasuy – bolaşaqtyŋ kepılı.
Al, «Jas Otan» Jastar Qanaty örenderımızdıŋ belsendılıgın arttyryp, qoǧamdyq jūmystarǧa tartatyn ūiym retınde belgılı. Qaraşanyŋ 16-sy künı «Nūr Otan» HDP «Jas Otan» Jastar Qanatynyŋ II sezı ötedı. Däl osy jiynda jastar saiasatynyŋ 2020 jylǧa deiıngı damu strategiiasy qabyldanyp, naqty ıs-şaralar bekıtılmek. Osy rette «Jas Otannyŋ» belsendılerın sözge tartqan edık.
Mereke POŞANOV,
«Nūr Otan» HDP «Nūr» filialy «Jas Otan» JQ atqaruşy hatşysy:
– «Jas Otan» Jastar Qanaty Prezidenttıŋ eldı jaŋǧyrtuǧa arnalǧan baǧytyn jan-jaqty qoldaumen qamtamasyz ete alǧan bedeldı de būqaralyq jastar ūiymyna ainaldy. «Nūr Otan» HDP «Jas Otan» Jastar Qanatynyŋ I sezı 2008 jyly ötken bolatyn. Onda da bıraz maŋyzdy qūjattar qabyldanǧan edı. Biylǧy sezde «Jastar – Otanǧa!» strategiiasy qabyldanady. Onda «Jas Otan» müşelerınıŋ aldaǧy 8 jylda atqaratyn jūmys jospary bekıtılgen. Onda sapaly bılım alu, tūraqty jūmysqa ornalasu, tūrǧyn üimen qamtylu jäne salauatty ömır saltyn ūstanu mındetterı tūr. Jastardy äleumettık qamsyzdandyru mäselelerı de bırtındep şeşılıp keledı. Būl rette jastar Elbasynyŋ «Qazaqstannyŋ äleumettık jaŋǧyrtyluy: Jalpyǧa Ortaq Eŋbek Qoǧamyna qarai 20 qadam» baǧdarlamalyq maqalasyna arqa süieidı. Jalpy, jastar müddesıne baǧyttalǧan būl strategiia ūzaq merzımdı maqsattardyŋ deklarasiiasy ǧana emes, jaŋartudyŋ auqymdy mındetterın ıske asyru jönındegı ıs-äreketter basşylyǧy bolmaq.
Nauryzbek NÄSIR,
sezd delegaty:
«Jas Otan» Jastar Qanatynyŋ II sezıne barynşa daiyndaludamyz. Maŋyzdy ıs-şaradan kütetınımız köp. Sebebı, alǧaşqy sezden keiın memlekettıŋ jastarǧa degen qamqorlyǧy artyp, köptegen jaqsy nätijelerge qol jettı. Memlekettık granttardyŋ artuy, «Bolaşaq» baǧdarlamasy, «Diplommen – auylǧa» syndy serpındı jobalar jüzege asyp, bılımdı jastardyŋ jarqyn bolaşaǧyna jol aşty.
Qazırgı taŋda jastardy qūqyqtyq tūrǧydan qoldap, olardyŋ äleumettık jaǧdailarynyŋ dūrys qalyptasuyna yqpal etu – memlekettıŋ basty saiasatynyŋ bırı. Sebebı, täuelsız Qazaqstan ekonomikalyq tūrǧydan nyq qadamdarǧa bastap, jaŋa reformalardy jüzege asyryp, älemdık arenada özınıŋ negızgı ornyn qalyptastyrdy. Būl sezde negızgı kün tärtıbınde Elbasymyzdyŋ Qazaqstannyŋ äleumettık jaŋǧyrtyluy: «Jalpyǧa Ortaq Eŋbek Qoǧamyna qarai 20 qadam» atty tūjyrymdamasy qyzu talqylanyp, 2004 jyly 7 şıldede qabyldanǧan «Memlekettık jastar saiasaty» turaly zaŋǧa özgerıster engızuge naqty şeşımder qabyldanady dep oilaimyn.
Zere QŪSAIYNOVA,
«Jas Otan» Jastar Qanatynyŋ belsendı müşesı:
Aldaǧy «Nūr Otan» HDP «Jas Otan» Jastar Qanatynyŋ II sezı 2020 jylǧa deiıngı damudyŋ jaŋa vektoryna ainalatyn «Jastar – Otanǧa!» strategiiasyn qabyldap, Elbasy jastardyŋ aldyna bırqatar ıs-şaralardy bekıtedı degen senım bar. Iаǧni, Elbasy osy jastar qūryltaiynda da jastar saiasaty salasynda tyŋ ideialardy ūsynyp, jaŋa jobalarǧa jol aşatyndyǧy sözsız. Jastardyŋ ǧylymi äleuetın damytuǧa jäne bükıl qoǧamnyŋ nazaryn belsendı ömırlık ūstanymmen erekşelenetın jastarǧa būruǧa niettı būl strategiianyŋ el bolaşaǧy üşın maŋyzy zor.
