Mädeniet

JASTAR TILDI JYRLAIDY

ZAH_9333

Astana qalasy äkımdıgınıŋ qoldauymen Tılderdı damytu basqarmasy, «Ruhaniiat» ortalyǧy jäne Euraziia ūlttyq universitetınıŋ qazaq ädebietı kafedrasy bırlesıp, 12 qyrküiek künı «Duman» qonaqüiı keşenınıŋ konferensiia zalynda Qazaqstan halqy tılderınıŋ XVI qalalyq festivalı aiasynda Qazaqstan Jazuşylar odaǧynyŋ 80 jyldyǧyna arnalǧan «Öner aldy – qyzyl tıl» atty jas aqyndar müşäirasyn ötkızdı. Müşäiraǧa belgılı qalamgerler men jastar qatysty.

Müşäiraǧa jüzden asa jas talapker ötınış bıldırgen. Al, būl saiysta törelık etuşılerdıŋ ūiǧarymymen tartymdy tarmaǧy, şūraily şumaǧy bar taŋdauly 10 aqyn patriottyq jäne erkın taqyryptaǧy tuyndylaryn oqydy.

Jyr dodasyna Memlekettık syilyqtyŋ laureaty, jazuşy Qoişyǧara Salǧara, filologiia ǧylymynyŋ doktory, professor Saǧymbai Jūmaǧūlov, «Astana» radiosynyŋ redaktory Erbol Alşynbai qazylyq ettı. Qazylar men ūiym­das­tyruşylardyŋ pıkırınşe, jyldan jylǧa jalǧasyn tauyp kele jatqan dästürlı müşäirany keler jyldan bastap keŋ auqymda ötkızu közdelıp otyr.

Müşäiranyŋ qorytyndysy boiynşa Iliias Jansügırov atyndaǧy arnauly jüldenı Ūlan Nesıpbek, Maǧjan Jūmabaev atyndaǧy jüldenı Aijan Täbärak iemdense, bırınşı oryn Ajar Erbolǧanǧa, ekınşı oryn pavlodarlyq Aqböpe Maratqa, üşınşı oryn Aidana Bolatqa berıldı. Jarys jeŋımpazdary baǧaly syilyqtarmen, dip­lomdarmen marapattaldy.

Quat Qiyqbai

Taǧyda

admin

«Astana aqşamy» gazetı

Ūqsas jaŋalyqtar

Pıkır üsteu

Back to top button