Astanada «Nūr Otan» HDP bastauyş partiia ūiymdarynyŋ jetekşılerı bas qosty. Jiyn äleumettık jaŋǧyrtu jäne «Jūmyspen qamtu – 2020» baǧdarlamasy aiasynda oqytu, jūmysqa ornalastyru mäselelerıne arnaldy.
Astana qalasy Jūmyspen qamtu ortalyǧynyŋ direktory Amanjol Äbdırahmanovtyŋ aituynşa, jyl saiyn elordaǧa şamamen 25 myŋ adam keledı eken.
Al, ortalyqqa däl bügıngı künı resmi türde 8046 jūmyssyz tırkelıptı.
Onyŋ şamamen 70 paiyzyn, iaǧni 5 myŋǧa juyǧyn jūmyssyz äielder qūraidy. Jūmyssyzdar sanynyŋ jartysynan astamy 29 jasqa deiıngı jastar.
Mūnyŋ sebebın ortalyq basşysy bylai tüsındıredı: qazırgı künı qalada negızınen näzıkjandylar taŋdaityn buhgalter, şaştaraz syndy mamandyqtarǧa sūranys müldem joq dese bolady. Kerısınşe, qūrylysşy, elektrik, santehnik syndy qūrylys salasynyŋ mamandary jetıspeidı.
Jūmyssyzdyq mäselesın şeşu üşın memleket osy baǧdarlama aiasynda 1 mlrd teŋgeden astam qarjy bölıngenı belgılı.
Partiianyŋ elordalyq filialy basşysynyŋ bırınşı orynbasary Qairat Jaŋabergenov osy qarjyny tiımdı igeru üşın jauapty organdar jūmysty özara üilestıre bılu kerektıgın aitty.
Memleket basşysy Nūrsūltan Nazarbaev «Qazaqstannyŋ äleumettık jaŋǧyrtyluy: Jalpyǧa Ortaq Eŋbek Qoǧamyna qarai 20 qadam» atty baǧdarlamalyq maqalasynda elımızdıŋ ekonomika, ǧylym tärızdı äleumettık salalaryna jaŋǧyrtular qajettıgın basa aitqany belgılı. Maqalada osy maqsattaǧy 5 baǧytty anyqtap, ony jüzege asyrudyŋ alǧaşqy 20 qadamyn da körsetıp berdı.
«Nūr Otan» HDP Astana qalalyq filialy töraǧasynyŋ bırınşı orynbasary Qairat Jaŋabergenovtıŋ aituynşa, äleumettık-ekonomikalyq jaŋǧyru otandyq qadrlardy jüielı türde oqytu jäne qaita daiarlaudy qajet etedı. Sonda ǧana kadrlar äleuetın küşeite alamyz.
Memleket basşysy da öz sözınde kez kelgen mamandyqta käsıbilık pen şeberlıktıŋ qajet ekendıgın, sondai-aq, şetelde bılım alyp jürgen qazaq jastarynyŋ Otanyna oralyp, täjıribelerımen bölısuı mındettıgın aitqan bolatyn.
Basqosuǧa jinalǧandar «Jūmyspen qamtu – 2020» baǧdarlamasyn jüzege asyrudaǧy olqylyqtardy osy bastan qolǧa alu qajet degen qorytyndymen tarasty.
Şynar DOSAN
