Qala tırşılıgı

JASYL ORMAN TAZARDY KÜL-QOQYSTAN

jasyl orman

Düniejüzılık qorşaǧan ortany qorǧau künı aiasynda Prezident bastamasymen qūrylǧan elordadaǧy «jasyl beldeu» aumaǧynda sanitarlyq tazalau jūmystary jürgızıldı.

Keŋ auqymdy ekologiialyq aksiiaǧa ministr Nūrlan Qapparov bastaǧan QR Qorşaǧan orta jäne su resurs­tary ministrlıgınıŋ ökılderı, Astana qalasynyŋ tabiǧi resurstar jäne tabiǧat paidalanudy retteu basqarmasy, qalalyq Ekologiia departamentı men «Astana ormany», «Astana Eko-Poligon NS» JŞS kommunaldyq käsıporyndary, «PosadiDerevoKZ» respublikalyq qoǧamdyq bırlestıgı, QR Ūlttyq gvardiiasynyŋ äskeri qyzmetkerlerı men «Jas Otan» jastar qanatynyŋ müşelerı qatysty. Sondai-aq, qala tūrǧyndary da erıktı türde şaraǧa belsene atsalysty.

Sanitarlyq qorǧauǧa alynǧan «Astana ormanynyŋ» kıreberısınde eskertu taqtaişalary ornatylǧan eken. Ūqqanymyzdai, ormandaǧy aǧaştardy rūqsatsyz kesuge, özıŋnen keiın qoqys qaldyruǧa, ot jaǧuǧa qataŋ tyiym salynady. Tabiǧat aiasynda demalam deuşılerdıŋ bärıne ortaq qarapaiym erejeler. «Bıraq būl ormanda kım demalmaq?» degen sūraq tudy oiymyzda. Orman maŋaiyn qoqyr-soqyrdan tazartuǧa kelgenderdıŋ özı auyz-mūryndaryn qymtap, medisinalyq maska taǧyp alǧanyn kördık. Nege deisızder ǧoi: taiaq tastam jerde qatty tūrmystyq qaldyqtar poligony ornalasqan. Sırä, aua arqyly kül-qoqystyŋ türlı qauıptı virustaryn aǧzaǧa jūqtyryp alamyz dep qoryqqandary bolar. Dūrys-aq. Bıraq, ırgeles ornalasqan ormannyŋ aǧaştary qoqystyŋ jaǧymsyz iısın sezdırmei tūrǧany sezıledı. Jaqsy ma, jaman ba, äiteuır, jasyl jelektıŋ jaǧymdy hoş iısı de mūrynǧa kelmeidı. Ormannyŋ qatty lastanǧanyn baiqamau mümkın emes. Aǧaştarǧa alystan köz tastasaŋ, şüberekke toly äulieaǧaşqa ūqsaidy. Al, şyn mänınde būtaqtardyŋ är jerıne bır kezınde özımız qoldanyp, jaramsyz bolyp qalǧan sellofan paketter bailanyp qalǧan. Baiqaǧanymyzdai, «jasyl beldeudıŋ» poligonǧa jaqyn jerınıŋ bärı küresınge tolyp, äbden lastanyp ketken eken. Qasyndaǧy qoqys poligony tıpten adam şoşytady. Qaldyqtardy jem qylyp qaptaǧan şaǧalalar şaŋqyldap ūşyp jür. Oi baǧamdasaq, būl da ülken qauıp emes pe?! Olardyŋ virus tasymaldauşy bolmasyna kım kepıl? «Qatty tūrmystyq qaldyqtar poligony janyndaǧy ormandy tazalaudyŋ maǧynasy bar ma? Jinalǧan jerler jel tūrsa, qaitadan şaşylmaq emes pe?» degen sūraqty «Astana Eko-Poligon NS» JŞS kommunaldyq käsıporynnyŋ direktory Darhan Dosmaǧambetovke qoiǧanymyzda: «Būl qoqys jyldar boiy jinalǧandyqtan, tazartu jūmystary aiaqtalmai keledı. Poligon maŋaiyn ūşatyn qaldyqtardan ärdaiym tazartyp otyramyz. Arnaiy reglament boiynşa jūmys ısteimız. Qoqysty jer astyna kömıp, üstınen topyraq jaiamyz. Jaqyn arada qorşaudy ülkeitu josparda bar. Jalpy, poligon äbden tolǧan. Mıne, däl janynda ülken qoqys şūŋqyry qazyluda. Osynyŋ bärın sol şūŋqyrǧa köşırıp, kömemız. Qūrylysy jyldyŋ aiaǧynda aiaqtalmaq. Rekultivasiia jasap, şöp ösıremız. Aqyr soŋynda, būl jerde qoqys poligonynyŋ ızı de qalmauǧa tiıs» dep jauap berdı. Sengımız keledı. Nätijesın de köre jatarmyz. Jalpy, şaraǧa bas-aiaǧy 700-ge juyq adam jūmyldyrylyp, nätijesınde arnaiy tehnika arqyly poligonǧa 16 reis jasalyp, 80 tonna qoqys şyǧaryldy. Sonda da, qolaisyz jerde ornalasqan qoqys poligony Arqanyŋ aŋyraǧan jelı soqsa, «jasyl beldeudı» qaitadan lastamai ma? Adamdardyŋ densaulyǧyna tıkelei qatysty bolǧandyqtan būl oilandyratyn mäsele bolsa kerek.

Mädina JAQYP

Taǧyda

admin

«Astana aqşamy» gazetı

Ūqsas jaŋalyqtar

Pıkır üsteu

Back to top button