Jazasyn ötep, bostandyqqa şyqqan adamdar äleumettık ömırden şet qalǧandyqtan, özımızge qalypty sanalatyn ortaǧa jyldam sıŋıse qoimaidy. Kezınde sottalyp, tiıstı jazasyn ötegenın bılse de, qoǧam olarǧa üreilı de kümändı közben qarap, öz qataryna qosudan tartynady. Al, olardy ortaǧa beiımdeu jūmysy jüzege asa ma? Osyny anyqtau üşın «Aqtaluşylyq tehnologiialar men tūjyrymdamalar» qoǧamdyq qorynyŋ basşysy Orynbasar Moldaşqyzyn äŋgımege tarttyq.
– Özıŋız oilaŋyzşy, tuǧan-tuysqany joq adamdar da bar. Olar bostandyqqa şyqqanda, ne ısterın, qaida bararyn bılmei dal bolady. Qaltasynda bır tiyny joq adam şarasy joqtan qylmysqa barmasyna kım kepıl? Iаǧni, olardy ömırge qaita beiımdeu öte maŋyzdy mäsele.
– Osy oraida naqty qandai ıster atqaryluda?
– Türmede otyryp şyqqandarǧa qūqyqtyq jäne psihologiialyq kömek körsetemız. Mūndai adamdarmen arnaiy zaŋgerımız ben psihologtarymyz jūmys jasaidy. Qūjattaryn qalpyna keltırıp, medisinalyq järdem aluyn qamtamasyz etuge tyrysamyz. Türlı mäseleler Astana qalasyndaǧy memlekettık organdarmen tyǧyz bailanys ornatu arqyly şeşıledı. Būrynǧy sottalǧandardy mamandyq
boiynşa oqytatyn kurstarǧa ornalastyryp, olarǧa jūmys tauyp beru üşın Jūmyspen qamtu jäne äleumettık baǧdarlamalar basqarmasymen memorandumǧa qol qoiylǧan bolatyn. Sonyŋ arqasynda 95 adam jūmyspen qamtamasyz etılıp, al
7 adam arnaiy kurstan öttı.
– Ol azamattardyŋ jeke käsıp aşuyna mümkındıgı bar ma?
– Jūmysymyzdyŋ qiyndyǧy köp, desek te, ekınşı märte qatelıkke ūrynbai, aiaqqa tūrǧandardy körıp, köŋılımız ornyǧady. Mäselen, 3 jyl būryn türmeden bosaǧan Ahmed Valiev bızdıŋ qoǧamdyq qordyŋ septesuımen kölıkterdı tehnikalyq jöndeuden ötkızetın jeke käsıbın aşty. Ol būl ıske bostandyqtan aiyru ornynda jürıp-aq maşyqtanyp alǧan. Bügıngı künı janynda bır kömekşısı bar. Bolaşaqta biznesın keŋeitıp, kem degende 10 adamdy jūmyspen qamtyǧysy keledı. Alaida, ol üşın keŋırek jer uchaskesı kerek eken. Sonda da, öz otbasy qamy üşın künı-tünı eŋbektenuden şarşamaidy. Erteŋge degen senımı küştı.
Mädina JAQYP
