Qoǧam. Adam. Sana. Olar jūmyla, dami kele örkeniettı, damyǧan ortanyŋ qalyptasuyna sebepşı bolady. Sanaly adam qoǧamǧa öz ülesın qosa kele, sol qoǧamdy ılgerı jyljytatyny anyq. Al däl osylai qalyptasyp kele jatqan ortaǧa ırıtkı qosatyn basqa faktorlar da joq emes. Olardyŋ bırı ärı bıregeiı – jemqorlyq. Zamanymyzdyŋ taǧy bır dertı de – osy.
Qanşa küreskenmen, onyŋ «jyly qanatynyŋ» astynan pana ızdeitın adamdardyŋ qatary da siremei jatyr. Būl ıstıŋ arqasynda käsıbın döŋgeletıp, bıraz «jaǧdaiyn» jasap alǧandar da joq emes. Tıptı, qūryqtalyp, sottalǧan «ärıptesterınıŋ» mysaly da būl azamattardy qorqytpaityn syŋaily. Būl dert örşıp bara jatqan tūsta elımız san aluan şaralardy qoldandy. Aldymen būndai ıstermen ainalysyp, aldyn alatyn arnaiy departament te qūrdy, zaŋ da qabyldady. Jyldar öttı. Al «jemqorlyq» degen ındet tamyrymen joǧalǧanyn baiqap jatqanymyz joq. Ökınıştı. Jaqynda atalmyş «Sybailas jemqorlyqqa qarsy küres turaly» Zaŋǧa tolyqtyrular engızıledı degen sybysty qūlaq şalǧan edı. Endıgı ümıt – osy zaŋnyŋ qataldyǧy jemqorlarǧa qolbailau bolsa.
Osy rette, memlekettık organdar köptegen jūmystardy qolǧa aluda. Memlekettık qyzmetke tūrmas būryn, ümıtkerler basqa zaŋdarmen qosa, «Sybailas jemqorlyqqa qarsy küres turaly» zaŋy boiynşa da testıleuden baǧyn synaidy. Iаǧni, memlekettık qyzmetke tūratyn är azamat būl Zaŋnyŋ mazmūny men onyŋ jazalarymen jaqsy tanys bolady degen söz.
Bügıngı künı jemqorlyq pen sybailas jemqorlyqtyŋ kez kelgen jaǧdaiyna tap bolǧan adam būl faktı jaiynda qūzyrly organdardyŋ senım telefondaryna habarlai alady.
Astana qalasy Tötenşe jaǧdailar departamentınıŋ qyzmetkerlerı arasynda tüsındıru jūmystary, sybailas jemqorlyqtyŋ aldyn aluǧa baǧyttalǧan ıs-şaralar jiı ūiymdastyrylady. TJD mamandary jergılıktı atqaru organdarymen, qalalyq şūǧyl qyzmettermen tyǧyz qarym-qatynasta jūmys jasaidy. Sondai-aq, menşık nysanyna qaramastan qaladaǧy obektılerde tötenşe jaǧdaidyŋ aldyn aluǧa baǧyttalǧan tekseru jūmystaryn jürgızedı.
Tekseru barysynda normativtık-qūqyqtyq aktıler talaptarynyŋ būzylǧany anyqtaluy mümkın. Ondai jaǧdaida Äkımşılık qūqyq būzuşylyq turaly kodekstı negızge ala otyryp, belgılı talaptardy būzǧan tūlǧaǧa qatysty äkımşılık jauapkerşılıkke tartu turaly hattama toltyrylady. Oǧan qatysty äkımşılık jauapkerşılıkke tartu turaly qauly şyǧarylyp, jıberılgen kemşılıkterdı joiuǧa ūsynym berıledı.
Astana qalasy TJD-nıŋ mūryndyq boluymen, atalmyş ındettıŋ aldyn aluǧa baǧyttalǧan ıs-şaralar biylǧy jyly köptep ūiymdastyryldy. 30 mamyr künı Astana qalasy TJD bastyǧynyŋ orynbasary V.Ovchinnikovtyŋ töraǧalyǧymen «Departamenttıŋ injenerlı-inspektorlyq qūramynyŋ qyzmetınde sybailas jemqorlyq zaŋyn būzudy boldyrtpau jäne äkımşılık tosqauyldy tömendetu» taqyrybynda döŋgelek üstel öttı. Onyŋ barysynda Astana qalasy Prokuraturasynyŋ, Ädılet departamentınıŋ ökılderı jäne «Nūr Otan» halyqtyq-demokratiialyq partiiasynyŋ astanalyq filialynyŋ ökılderı men departament bölımşelerı qatysty. Otyrys barysynda qozǧalǧan taqyryptardyŋ bırı – «Nūr Otan» halyqtyq-demokratiialyq partiiasynyŋ sybailas jemqorlyqpen küres baǧdarlamasy turaly boldy. Būdan bölek, zaŋdy tūlǧalardy tırkeu salasynda qyzyqtyrǧan sūraqtar qoiylyp, «Sybailas jemqorlyqpen küres turaly» zaŋǧa tolyqtyrular engızıluı mümkın turaly mäseleler qozǧaldy.
Aǧymdaǧy jyly būl taqyryp töŋıregınde atqarylǧan jūmystardyŋ qatarynda Qarjy polisiia akademiiasynyŋ polisiia aǧa leitenanty R.Aimūqanovpen kezdesudı de atap ötuge bolady. Is-şaraǧa Astana qalasy TJD basqarma, bölım bastyqtary, «ÖS jäne AQJQ» MM, ÖSB, MÖSB bastyqtary qatysty. Negızge alynǧan taqyryp – «Qazaqstan Respublikasy Prezidentınıŋ Joldauynda aitylǧan sybailas jemqorlyqqa qarsy zaŋdy jetıldıru» boldy.
Aǧa leitenant R.Aimūqanov Qazaqstan Respublikasynyŋ Qylmystyq kodeksındegı sybailas jemqorlyq jäne qylmystyq qūqyǧyn būzu salasyna özgerıster engızu josparlanyp jatqandyǧyn baiandady. Keŋes dialog türınde öttı. Kökeikestı mäseleler talqylauǧa şyǧarylyp, olarǧa ökılettı maman tolyq jauap qaitardy.
Qazaqstan Respublikasynyŋ Prezidentı Nūrsūltan Nazarbaev memlekettık qūrylymdardyŋ nazaryn sybailas jemqorlyqtyŋ qauıptılıgıne bırneşe ret audarǧan bolatyn. Onyŋ älemdık deŋgeidegı mäselege ainalǧanyn, būl derttıŋ saiasi tūraqtylyǧy men ekonomikalyq damu deŋgeiı joǧary memleketterde de oryn alǧandyǧyn tılge tiek etken. Osy äleumettık zūlymdyqtyŋ aldyn alu üşın sybailas jemqorlyqqa jol aşatyn jaǧdailardy ünemı joiyp, saqtandyru jūmystaryn jürgızıp otyru qajet.
Memlekettık qyzmette jürgen är azamat öz qyzmetıne adal, ar-ūiat pen basqa da qūndylyqtardy joǧary qoiatyn bolsa, qoǧamda jemqorlyqqa jol berılmeitını anyq.
Qūrmettı qala tūrǧyndary! Astana qalasy Tötenşe jaǧdailar departamentı qyzmetkerlerınıŋ tarapynan jürgızılgen tekserulerdıŋ nätijesınde, sybailas jemqorlyqqa jol bergen jaǧdaidy baiqaǧan bolsaŋyzdar, 70-17-22 senım telefondaryny qoŋyrau şalyŋyzdar.
Astana qalasy Tötenşe jaǧdailar departamentınıŋ baspasöz qyzmetı
