Keşe Astana qalasynyŋ Ädılet departamentınde jemqorlyqtyŋ aldyn alu mäselelerı jönındegı seminar öttı. Oǧan elordadaǧy qūzyrly organ ökılderı qatysyp, atalmyş problemaǧa jol aşatyn jaittardy talqylady.
Memlekettık qyzmet ısterı ministrlıgıne qarasty departamenttıŋ bas mamany Asqar Rahmatullinnıŋ aituynşa, korrupsiiamen küreste bız özge memleketterdıŋ täjıribesıne süienuımız kerek.
– Körşıles Reseide sarapşylar jemqorlyq sebepterıne taldau jasaǧanda bırneşe qūbylystardy anyqtaǧan. Mäselen, azamattyŋ jemqorlyqqa tosqauyl qoiatyn zaŋdardan habarsyz boluy, tūraqsyz saiasi ahual, memlekettık qyzmetkerlerdıŋ käsıbi tūrǧydan sauatsyzdyǧy, tamyr-tanystyq pen saiasi jaqtauşylyq, memlekettık bilık jüiesınde auyzbırşılıktıŋ joqtyǧy, memlekettık sektordaǧy jalaqynyŋ azdyǧy sekıldı qūbylystar joǧarydaǧydai qūqyq būzuşylyqqa alyp keledı eken. Soŋǧy kedergını qazaqstandyq ükımet te maqūldap, jemqorlyqqa qarsy strategiiaǧa engızgen-dı. Mūnymen qosa, keler jyldyŋ 1 qaŋtarynan bastap būqarany jalpylama maǧlūmdau jūmysy jürgızıledı. Nätijesınde halyqtyŋ barlyq kırısterı men şyǧystary naqty belgılı bolady, – dedı departament mamany.
Al Astana qalasy boiynşa jemqorlyqpen küres jönındegı ūlttyq biuro departamentı ştabynyŋ aǧa ofiserı Aigül Sämenqūlova jemqorlyqtyŋ aldyn aluǧa baǧyttalǧan zaŋnamalarǧa toqtaldy. Ol biyl qabyldanǧan jaŋa zaŋdar, onyŋ ışınde, «Jemqorlyqqa qarsy küres» pen «Memlekettık qyzmet körsetuler» turaly zaŋdardy, «Memlekettık qyzmetşılerdıŋ etikalyq kodeksın» jūrtşylyqqa tolyqqandy tanystyryp, qylmystyq kodekstegı özgerısterdı habarlady.
Öz kezegınde osy departamenttıŋ äkımşılık-qūqyq bölımınıŋ mamany Ainūr Qasenova Jemqorlyqpen küres jönındegı ūlttyq biuronyŋ qūrylymy men qyzmetın tüsındırdı.
Botagöz MARATQYZY
