Qazynaşylyq – elımızdıŋ ekonomikalyq damuyna tıkelei äser etetın, memlekettık qarjyny tiımdı jäne ornyqty basqaruǧa jauap beretın elımızdıŋ biudjettık jüiesındegı maŋyzdy buyn. Osyǧan säikes, būl qyzmet bastapqyda-aq ärbır basqaru salasynda kırıster men şyǧystardyŋ aşyqtyǧy men baqylauyn qamtamasyz etu üşın ūiymdastyrylǧan.
Būl, öz kezegınde, jalpyǧa bırdei tanylǧan buhgalterlık esep, kırıster men şyǧystardyŋ bıryŋǧai biudjettık synyptamasy, barlyq memlekettık organdardy qajettı aqşalai qarajatpen qamtamasyz etudegı bırqalypty qazynaşylyq normalar men standarttar tūrǧysynan alyp qaraǧanda öte maŋyzdy qyzmet salasy, sondai-aq memlekettık biudjettıŋ aqşa aǧynyn basqarudy bıryŋǧai jüiege bırıktırgen arnauly aumaqtyq qarjylyq organdardyŋ jiyntyǧy.
Qazynaşylyq aqparattyq jüiesı şeşım qabyldauşy memlekettık organdarǧa anyq, uaqytyly jäne tolyq qarjylyq aqparatty ūsyna otyryp, barlyq deŋgeiler men kezeŋderde biudjettık ürdıstıŋ atqaryluyn qataŋ baqylaumen, jergılıktı biudjetter men memlekettık mekemeler üşın memlekettık qarjyny barlyq deŋgeide tiımdı basqaruǧa negızdelgen.
«Esep aiyrysu – kassalyq qyzmet körsetu», memlekettık mekemelerdıŋ qolma-qol aqşany baqylau şotyn, kvazimemlekettık sektor subektılerınıŋ şottaryn jürgızu, biudjet qūralyn basqaru, qarjylandyru josparyn jürgızu, azamattyq-qūqyqtyq mämılelerdı tırkeu, memlekettık mekemeler/ kvazimemlekettık sektor subektılerınıŋ tölemderın jürgızu, biudjettı atqaru turaly eseptılıktı qūru biudjettı atqaru boiynşa qazynaşylyq organdarynyŋ negızgı qyzmetı bolǧandyqtan, elımızdıŋ igılıgı jolyndaǧy adal ärı eselı eŋbektı qajet etetın salada sybailas jemqorlyqqa jol berılmeitını sözsız.
«Ädıldık joq jerde para beleŋ alady» dep halqymyz aitqandai, sybailas jemqorlyq – zaman aǧysymen bırge ösıp-örkendep, mol qarajat pen qoǧamda bäsekelestık paida bolǧan jerge tamyryn jaiyp, bügınge deiın joiylmai otyrǧan kesel. Būl kesel damuşy elderdegıdei bızdıŋ de memleketımızge orasan zor nūqsan keltıretını belgılı. Sondyqtan kez kelgen ortada para beru jäne para aludyŋ jolyn kesude qoǧam bolyp belsendılık tanytuymyz qajet dep oilaimyn. Būl oraida biudjettıŋ aşyq boluy – elımızdıŋ ekonomikalyq damuyna bırden-bır äser etetın köptegen faktordyŋ bırı, osy oraida prosester men aqparattardyŋ jasyryn boluy da memlekettık organdarda jemqorlyqty tudyrady dep esepteimın.
Memleket basşysynyŋ syndarly saiasatynyŋ arqasynda Qazaqstanda barlyq memlekettık organdarda, atap aitsaq, Astana qalasy boiynşa Qazynaşylyq departamentınde sybailas jemqorlyqpen küres jūmys baǧytynyŋ negızgı basymdyǧy bolatyn jemqorlyqqa qarsy ıs-äreket boiynşa maqsatty, josparǧa sai jüielı şaralar qabyldanyp, oryndaluda. Sonymen qatar jemqorlyq qūqyq būzuşylyqtardy boldyrmau maqsatynda memlekettık qyzmet jäne jemqorlyqqa qarsy ıs-äreket turaly zaŋnamalardy tüsındıru, sybailas jemqorlyqtyŋ aldyn alu ıs-şaralary taqyrybynda därıster men seminarlar josparǧa sai ünemı ötkızıledı. Būl atalǧan ıs-şaralar – jemqorlyqqa qazynaşylyq salasy qyzmetkerlerınıŋ arasyndaǧy jalpy atqarylǧan jūmystyŋ azǧantai bölıgı ǧana.
Astana qalasynyŋ Qazynaşylyq departamentı jemqorlyqtyŋ aldyn alu jäne onyŋ körınısterımen küresuge, sybailas jemqorlyqqa qarsy tärtıptı küşeituge, öz qyzmetınde tärtıptı nyǧaituǧa, jemqorlyqty boldyrmau üşın alǧa qoiǧan mındetterın oryndauda aldaǧy uaqytta da qarqyndy ärı mınsız eŋbek etetın bolady.
B.SADVOKASOVA, QR Qarjy ministrlıgı Qazynaşylyq komitetınıŋ Astana qalasy boiynşa Qazynaşylyq departamentı basşysynyŋ orynbasary
