1945 jyl, säuır aiy. Soǧystyŋ şeşuşı kezeŋı. Faşizmnıŋ soŋǧy qamaly Reihstag qana qaldy. Nebärı – 300-aq metr!..
Myŋdaǧan şaqyrymdy keskılesken şaiqaspen jürıp ötken jauyngerler eŋ soŋǧy qūzǧyndar ūiasyn būzu oŋai bolmaitynyn jaqsy tüsınedı. Jan aiamai arpalysqan jaraly jaudy tıze büktırer aqtyq aiqas asqan erlık pen batyldyqty talap etedı…
30 säuır. Berlin.
…Būl künı erjürek qazaq jauyngerı Raqymjan Qoşqarbaev Reihstagqa eŋ bırınşı bop Jeŋıs tuyn tıktı!..
«…Säuırdıŋ 30-y küngı saǧat 18 ben 19 aralyǧyndaǧy bızdıŋ köŋıl-küiımızdı sözben aityp jetkızu mümkın emes. Özımızdıŋ tırı ekenımızge, faşizmnıŋ ordasy – Reihstagtyŋ däl özınde tūrǧanymyzǧa sener-senbesımızdı bılmedık. Quanyştan közımızden jas şyqqanyn da aŋǧarmai qaldyq. Bız ol kezde älı jas edık. Viatkalyq Grigorii Bulatov on toǧyzda bolsa, men jiyrmadan jaŋa asqam. Sol künı jetı saǧat ışınde (saǧat 11-den 18-ge deiın) taqtaidai jazyq, eş būdyrsyz asfalt üstımen jaŋbyrşa jauǧan oq astynda bar-joǧy 300 metr jer jyljyppyz!..» dep eske alady keiın būl oqiǧa jaiynda Raqymjan aǧamyz.
Juyrda sol Reihstagqa tıgılgen Jeŋıs tuynyŋ köşırmesın QR Ūlttyq mūraǧatyna saltanatty tapsyru räsımı öttı.
Qasterlı tu kırpık qaqpai symdai tartylǧan jas ūlandar tösınde, jeŋıs marşymen jazyla kerıledı…
Tūrmaǧanbet KENJEBAEV
