JER TELIMDERI SATYLYMǦA ŞYǦARYLDY
Keşe Astana äkımı Ädılbek Jaqsybekov kezektı apparat mäjılısınde «Bız taza qalany qoldaimyz!» ekologiialyq ailyǧyn ötkızu men aldaǧy maŋyzdy oqiǧalarǧa daiyndyqtyŋ barysyn qarady dep habarlady qala äkımınıŋ baspasöz qyzmetı.
Mäjılıs barysynda äkım şaǧyn jäne orta biznestı damytu üşın jer telımderın ūsynudy ūiymdastyru jäne būl jūmystyŋ aşyq jürgızıluı mäselesıne toqtalyp öttı.
– Bız bässaudaǧa qoiylatyn alǧaşqy 88 jer telımın anyqtap qoidyq. Olardyŋ sipattamasy, orny jäne satylymǧa qatysu erejelerımen qalalyq Säulet jäne qala qūrylysy basqarmasynyŋ saitynda tanysuǧa bolady, – dedı äkım. Qala tūrǧyndaryna būl aqparatty barynşa tüsınıktı etıp jetkızu kerek. Sonymen qatar, ärtürlı būrmalauşylyqtarǧa jol berılmeu jaǧy eskerıluı qajet.
Osy aitylǧan jaǧdailarǧa jol bermeu maqsatynda jer telımderı ūzaq uaqytqa jalǧa berıletın bolady, al, eger olar igerılmeitın bolsa, memleket ony qaitaryp alyp, qaita bässaudaǧa qoiuǧa qūqyly. Satylymdar är apta saiyn ötkızıledı.
Su tasqynyna qarsy şaralardy aita kele, äkım keşendı jospar aiasynda atqarylyp jatqan jūmystar baqylauda ekenın atap öttı. Qalalyq qūrylymdardyŋ jüielı jürgızılgen jūmystarynyŋ arqasynda İlinka kentı su tasqynynan aman qaldy. Qalany su basu qaupı men tötenşe jaǧdailardyŋ aldyn alu üşın barlyq şaralar qoldanyluda.
Elorda äkımınıŋ tapsyrmasymen, qala tūrǧyndarynyŋ şaǧymdaryna bailanysty qala joldaryn şūǧyl jöndeuden ötkızu jūmystary jüzege asyryluda. Bügıngı künı 116 meken-jai boiynşa jūmystar atqaryldy, qalǧan joldardy jöndeu belgılengen josparǧa säikes jürgızıledı.
Ötkızılgen jalpy qalalyq senbılık qorytyndysyn şyǧara kele äkım «Bız taza qalany qoldaimyz!» atty ekologiialyq ailyǧy jalǧasatynyn aityp, onyŋ aiasynda odan ärı atqaryluy tiıs jūmystardy belgılep berdı.
– Ailyq barysynda qalanyŋ barlyq lastanǧan jerlerın tazalap, kül-qoqystardan aryltu kerek, – dedı qala basşysy.
Sonymen bırge, äkım köpırler men jaiau jürgınşıler joldarynyŋ tazalyǧyna, ǧimarattardy qaptaityn materialdar men maŋdaişalardy auystyru jäne basqa da jūmystarǧa nazar audardy.
Sondai-aq, äkım aldaǧy maŋyzdy oqiǧalar – QR prezidentınıŋ sailauy, Qazaqstan halqy bırlıgı künın merekeleu, Jeŋıstıŋ 70 jyldyǧy sekıldı atauly künderge bailanysty qalanyŋ daiyndyq jūmystaryna erekşe toqtalyp öttı.
– Astana bas qala retınde barlyq jaǧynan ülgı boluy tiıs. Alda joǧary deŋgeide ötkızıluı tiıs bırqatar şaralar tūr. Jauapty organdarǧa osy şaralardyŋ tiıstı deŋgeide ötuın ūiymdastyrudy tapsyramyn, – dedı äkım.