Tamaşa jūdyryqtasqan Daniiar
Boks bızdıŋ elde nömırı bırınşı sport türı sanalaty,bylǧary qolǧap şeberlerınen bastaudy jön kördık.
Alǧaşqy bolyp 56 kelı salmaqta Qanat Äbutälıpov siriialyq Vissam Salamanamen şeberlık baiqasyp, 15:7 esebımen jeŋdı. Şyny kerek, Qanat sonşalyqty keremet öner körsetken joq, säl ǧana artyqşylyq baiqatqany bolmasa. Köptegen qatelıkter jıberdı. Eŋ auyry sol, qatelıkterdı kelesı ainalymda da jöndei almai, irlandiialyq Djon Djo Nevinnen 15:10 esebımen ūtylyp qaldy. Danabek Sujanov ta özınıŋ a l ǧa ş q y jekpe-jegınde Olimpiada, älem bırınşılıkterınıŋ jüldegerı ündıs Vijender Singhke qauqar körsete almady. Esep 10:14.
Kelesı künı Ǧani Jailauov tailandtyq Sailom Ardeemen şarşy alaŋǧa şyǧyp 12:12 esebımen teŋ tüstı. Qosymşa körsetkışterdı esepke alǧanda Ǧani tailyqtan säl ǧana artyq öner körsetıp, äupırımmen jeŋıske jettı. Bıraq būl jıgıt şirek finalǧa aparar jolda ündılık Djai Bhagvanǧa 16:8 esebımen täuır qarsylyq körsetıp, Danabektıŋ esesın qaitardy. Odan keiın astanalyq Iliias Süleimenov Salomo Ntuvenı 13:8 esebımen tıze büktırdı. Özınen äldeqaida boişaŋ bolǧanymen, şved boksşysynyŋ täjıribesı az ekenı körınıp tūrdy.
…Erteŋgılık Bırjan Jaqypov fransuz Jeremi Bekkuden jeŋıstı jūlyp aldy.
Bırınşı itjyǧys tüsıp, ekınşı ūtylyp, üşınşı raundta qorytyndy eseptı 18:17 qylyp, äreŋ degende Bırjan fransuzdy tızerlete aldy. Äitkenmen, Bırjan Zou Ş mingke de osyndai taktika ūstanatyn bolsa jüldesız qaluy mümkın. Sol künı Daniiar Eleusınov amerikalyq Djamal Herringtı 19:9 esebımen aiqyn jeŋdı.
Alǧaşqy ainalymda el boksşylarynyŋ ışınde tamaşa jūdyryqtasqan Daniiar boldy. Sonymen qatar asa auyr salmaqtaǧy İvan Dychko da qarsylasy nemıs Erik Pfaiperdı jündei tüttı. Bır ret nokdaunǧa da tüsıre aldy. Esep 14:4. Al soŋǧy älem bırınşılıgınıŋ jüldegerlerı Serık Säpiev pen Ädılbek Niiazymbetov bırden ekınşı ainalymnan bastaidy.
Qaisar qyzdar altynǧa qaryq qyldy
Auyr atletika Londonda däl qazırgı taŋda 2 bırdei altyn syilady. Jäne qandai altyndar deseŋşı?! Aleksei Ni men Enver Türkeleridıŋ şäkırtterı Maiia Maneza men Zulfiia Chinşanlo auyr atletter bäsekege tüsetın ≪Eksel≫ arenada däl qazırgı taŋda Qazaqstannyŋ bedelın biıktetıp qoidy.
Olai deitınımız, ekı qyz basty qarsylastaryn şaŋyna da ılestırgen joq. Tıptı, Maneza reseilık Sarukaevany 8 ūpaiǧa artqa tastady.
Ekeuı de rekord jaŋartty. Būdan artyq qandai quanyş kerek! 19 jasar Anna Nūrmūhambetovanyŋ töreşıler 2 ūpaiyn tartyp almaǧanda, qazaq qyzy da bır jüldege ılıner me edı?.. Bıraq 19 jasar Anna üşın bärı de alda. Onyŋ üstıne jarys jolyna şyqpaǧan Olimpiada chempiony İlia İlin men 2 dürkın älem chempiony Svetlana Podobedovalardan da jülde kütemız.
Aleksandr abyroimen ketedı
Bıreu sener, bıreu senbes, şaitanarbany erttegen qazaq sportşylary Qazaqstanǧa bır altyn syilady. Al ony syilaǧan – 38 jastaǧy Aleksandr Vinokurov. Saşa Olimpiada aldynda ≪Londonnan keiın sporttan ketemın≫ degen. Endı sporttan ädemı ketuıne tamaşa mümkındık jasaldy. Aleksandrdyŋ sporttyq ömırbaianyna qarap otyrsaq, k ö r megen q i y n dy ǧ y joq. Jolyn kesıp, d o p i n g paidalandy dep sporttan qudy, qaita kelgende öte auyr jaraqat alyp, ota jasaldy. Sporttan ketpekşı de boldy. Bıraq Saşa velosipedın tastai almady.
Tur de Fransty aldy, Djiro d İtaliiany aldy, Olimpiadanyŋ kümısın de qanjyǧalady, altyny ǧana jetpei tūr edı osy dodanyŋ, endı, mıne, ketem degen kezınde, qyryqqa taiap qalǧanda Olimpiada altyny erıksız būl jıgıtke basyn idı.
Dziudoşylar jerge qaratty
Basqa sport türlerıne keletın bolsaq, eşqaisysy da bızdıŋ ümıtımızdı aqtai almauda. Äsırese, dziudoşylar! 2-3 medal alady degen 9 baluannyŋ ışınen bıreuı ǧana qaldy. Qalǧandary altyn alady degen Maksim Rakovtan bastap qarsylastarynan tas-talqan bolyp ūtylyp qaldy. İslam Bozbaev qana 2 ainalymnan ötıp, s o ŋ ǧ y synda Olimpiada chempiony nemıs baluanyna laiyqty qarsylyq körsete aldy.
Soŋǧy ümıtımız – Güljan İsanova men Erjan Şinkeev te qarsylastarynan jeŋılıs tapty. Osylaişa tatami tarlandary elge ≪qyzaryp≫ qaitpaq. Semserlesudıŋ şeberlerı de qarsylastarynan oŋbai ūtyldy. Jüzgışterdıŋ de bäsekelesterıne qauqar körsetkenı şamaly. Mergender nysanany közdei almai, jıgerdı qūm qyluda. Su dobynan barǧan Qazaqstan qūramasy Olimpiadaǧa qatysudyŋ özın erlık sanaityn sekıldı.
Tennisşıler men eskekşılerdıŋ jüldege talasa almaityny äu bastan- aq belgılıbolǧan.
Ükılı ümıtt er üzılgen joq
Qazaqstan qūramasynyŋ qazırgı qarqyny jaman emes. Alǧaşqy jetı künde 3 altyn! Mūndai jetıstık būryn-soŋdy bolǧan emes. Tıptı, alǧaşqy künderı 4-orynǧa köterılgen. Qazır üzdık ondyqtyŋ qatarynda. Qazaqstan qūramasy tūŋǧyş ret Olimpiadanyŋ alǧaşqy ekı künınde ekı altyn alǧanynyŋ aldy osy. Tıptı, Afiny Olimpiadasynda altyndy aŋsap, Olimpiadanyŋ jabyluytaiap qalǧan sätte Baqtiiar Artaev namysqa tyrysyp, qorjynǧa jalǧyz altyn tüsken edı. Onyŋ üstıne älı jarys jolyna şyqpaǧan baluandar, taekvandoşylar, jeŋıl atletter jäne bar.
Boksşylar da älı tiıstı enşılerın alǧan joq. Auyr atletterımızdıŋ arasynda da 3 bırdei közır bar.
Sondyqtan syŋǧyrlaǧan sap altyndar, jalt-jūlt etken kümıster men qolalar äkeletın atletter soŋǧy sözın aitqan joq dep esepteimız.
London tarihqa ne berdı?
Olimpiadanyŋ 18 jüldesınenşılegen körkem gimnastşy Larisa Latyninanyŋ 48 jylǧy rekordyn būzdy. Būzǧan – amerikalyq altyn balyq Maikl Felps. 16 altyn, 2 kümıs, 2 qola enşılegen Maikl Felps tarihta qaldy. 16 jasar qytailyq aru, jüzgış E.Şiven erlerdıŋ jarysyn ūtqan Raian Lohtenyŋ nätijesınen asyp tüstı. Dopingtıŋ arqasynda osyndai nätijege jetken dep oilaǧan mamandar qytailyqtyŋ aǧzasynda tyiym salynǧan därınıŋ mülde joq ekenıne taŋ qaluda. Öz kezegınde zıltemırşı qazaqstandyqtar Maiia Maneza qos jattyǧu jäne serpe köteru boiynşa Olimpiada rekordyn, Zulfiia Chinşalo serpe köterude älem rekordyn jaŋartty.
Nūrymjan AIаPBERGEN
