Jaŋalyqtar

JOL EREJESIN BALA DA BILUI TİIS

f4841754144f4884fa8d26bcb13

Oqu jylynyŋ aiaqtaluyna bailanysty respublikalyq «Nazar audar, jaiau jürgınşı!» ıs-şarasy aiasynda Astana qalasy Işkı ıster departamentınıŋ Äkımşılık polisiiasy qyzmetkerlerı elordalyq oquşylardyŋ jol jüru erejelerıne bailanys­ty jyl boiǧy alǧan bılımderın tekseru üşın qosymşa sabaqtar ötkızdı. 

Qalalyq äkımşılık poli­siiasynyŋ aǧa inspektory Larisa Krasnikovanyŋ aituynşa, balalardyŋ jol üstındegı qauıpsızdıgı qazırgı kezde özekttı mäselelerdıŋ bırıne ainalyp otyr. Jyl basynan berı elordada balalardyŋ qatysuymen 30 jol-kölık oqiǧasy tırkelse, 11 ret balalar joldy belgılenbegen jerlerden jügırıp ötıp, apatty jaǧdaiǧa tap bolǧan.
Oqu jyly soŋynda qalanyŋ barlyq jalpy bılım beru mekemelerınde polisiia qyz­metkerlerı qauıpsızdık erejelerı boiynşa därıster oqyp, oqu­şylarmen profilaktikalyq sūhbattar jürgızdı.
Osyndai tanymdyq sabaqtardyŋ bırı Astana qalasynyŋ №3 orta mektebınde öttı. Polisiia qyz­metkerlerı oquşylarǧa jol jüru erejelerı men ony saq­tamaudyŋ saldary qandai bolatynyn taǧy da eske sala otyryp, türlı viktorinalyq oiyndar ūiymdastyrdy. Sabaq aiaqtaluymen balalarǧa qajettı aqparattary bar bukletter men jaryqqa şaǧy­lysatyn beldıkter tabystaldy.
«Apattardan aulaq bolu üşın balalarǧa jol jüru erejelerın ärdaiym mektepte de, üide de, tıptı, kündelıktı seruendeu kezınde de eske salyp tūrǧan jön» dep keŋes beredı L. Krasnikova.

Erkejan JŪMAJAN,
L.Gumilev atyndaǧy Euraziia ūlttyq universitetı
jurnalistika fakultetınıŋ
I kurs studentı

Taǧyda

Ūqsas jaŋalyqtar

Pıkır üsteu

Back to top button