Bas qaladaǧy jol-qūrylys jūmystarynyŋ barysy turaly Astana qalasynyŋ Jolauşylar kölıgı jäne avtomobil joldary basqarmasynyŋ bastyǧy Raşid Amanjolov pıkır bıldırdı.
– Raşid Mäjitūly, biyl bas qalada qanşa şaqyrym jol salyndy jäne qaita jaŋartyldy?
– Munisipaldy jobalardy, sonyŋ ışınde jol qūrylysy salasyndaǧy jobalardy jüzege asyru barysynda bızdıŋ mümkındıkterımız şekteulı ekenı belgılı. Degenmen, Astana qalasynda köşe-jol jelısı men jol infraqūrylymynyŋ obektılerın salu, qaita jaŋartu jäne jöndeudı ūiymdastyru boiynşa bırşama jūmystar atqaryluda. Tömendegı sandar sözımızge naqty aiǧaq bola alady. Mäselen, 2010-2011jyldary Astana qalasynda 190,7 şaqyrym jol salyndy, onyŋ 24 şaqyrymy qaita jaŋartyldy.
– Mūndai jūmystar qalanyŋ basty köşelerı men ortalyqtarynda ǧana emes, sonymen bırge şet aimaqtardy da qamtyǧan bolar?
– Ärine, jöndeu jūmystary qalaǧa qosylyp ketken tūrǧyn alaptardy damytu tūjyrymdamasynyŋ şeŋberınde de jürgızılıp jatyr. Atap aitar bolsaq, elordadan şetkerırek ornalasqan İnternasionalnyi kentınde, Qazaqauyl , Köktal tūrǧyn alaptary men Tılendiev daŋǧylynyŋ soltüstıgınde būryn mülde tas jol bolmaǧan. Üstımızdegı jyly osy alaptarda 2011 jyly bastalǧan jol-qūrylys jūmystaryn aiaqtamaqşymyz. Osylaişa mūnda 36,45 şaqyrym jol saludy jäne 37,6 şaqyrym joldy qaita jöndeuden ötkızıp, 5 şaqyrym joldy jöndeudı josparlap otyrmyz. Sondai-aq, būryn joldary aiqyş-ūiqyş bolǧan Öndırıs tūrǧyn alabynda, oŋtüstık-şyǧys şaǧyn audanynyŋ oŋ jaǧalauynda, Köktal tūrǧyn alaby men Tılendiev daŋǧylynyŋ soltüstıgınde 39,5 şaqyrym jol salynatyn bolady.
– Degenmen, Astanada älı de bolsa kürdelı jöndeudı qajet etıp otyrǧan köşeler az emes qoi. Mäselenıŋ būl jaǧy qalai şeşıledı?
– Ras aitasyz, bas qalada mūndai köşeler älı de bolsa bar. Bız olardy josparly türde, bırtındep kürdelı jöndeuden ötkızıp kelemız.
Bügıngı taŋda Jolauşylar kölıgı jäne avtomobil joldary basqarmasy Saryarqa, Kenesary, Kümısbekov köşelerı men Bögenbai batyr daŋǧylynyŋ kvartalışılık joldarynyŋ qūrylysy men jöndeu jūmystarynyŋ jobasyn jetıldıru üstınde. Qalalyq biudjetten qarajat bölıngen jaǧdaida 2013 jyly osy jobany jüzege asyramyz. Al, biyl Abai köşesınen Jangeldin köşesıne deiıngı jäne Saryarqa daŋǧylynan Kümısbekov köşesıne deiıngı aralyqtyŋ jolyn qaita jöndeu közdelıp otyr.
Gülbarşyn ÖKEŞQYZY
