ŪBT tapsyryp, joǧary balmen grantqa jetpegenderdıŋ talap-tılekterı biyl eskerıldı dese de bolady. Sebebı jaŋa zaŋǧa säikes, «Altyn belgı» iegerlerı, türlı baiqaular men ǧylymi jobalardyŋ jeŋımpazdaryna memlekettık grantty taǧaiyndauda eşqandai basymdylyq berılmeidı.
Bılım jäne ǧylym ministrlıgı jaŋa zaŋnamasynda talap bärıne ortaq dep şeştı. Ministr Erlan Saǧadiev būl jaitqa qatysty «Endı memlekettık granttardy tek ŪBT nätijelerıne qarap beremız. Älemnıŋ köptegen elderındegı siiaqty bız de daryndy jastardy universitettıŋ özı ızdeitındei jüiege köşemız. Ol üşın universitet basşylyǧyna basqaruda qarjylyq, akademiialyq erkındık berıldı» degen az-maz tüsınıkteme berdı.
Ministrdıŋ aituynşa, studentter türlı deŋgeide ötetın baiqaularda öz oqu oryndarynyŋ bedelın arttyruǧa üles qosuy tiıs. Al sportşy studentke jeŋıldık beru-bermeu turaly şeşımdı rektor qabyldaidy. Bılımımen, darynymen közge tüsken tülekter basqalarmen bırdei ball jinaǧan kezde ǧana basymdylyqqa ie bolady. Sondai-aq, ministr mektepterde dene şynyqtyru sabaqtarynan bölek jarystarǧa daiyndaluǧa sport saǧattary 1-2 saǧatqa köbeitılgenın aitty.
Būl mäselege bırjaqty qarauǧa bolmaidy. Künı keşe ǧana Almatyda jüzdegen sportşy tülekter men olardyŋ äke-şeşelerı oquǧa tegın tüse almaǧandaryn aityp, narazylyq bıldırdı. Elımızdıŋ chempiondary men halyqaralyq doda jeŋımpazdarynyŋ köpşılıgı pändık emtihannan az ball jinaǧan. Onyŋ esesıne mektep qabyrǧasynda sportpen ainalyspaǧan oquşylar ūpaimen ozyp, grantqa ılıkken delıngen KTK jaŋalyqtar qyzmetınde.
Ministrlık elımızde daŋqty sportşy atanu üşın sportqa berılıp, ynta-şyntamen daiyndalu kerektıgın eskermegen syŋaily. Balasy bes dürkın chempion atanǧan Qanaǧat Äbdıräsılūly esımdı ata-ana däl osylai deidı. «Balam QR sport şeberınıŋ kandidaty, halyqaralyq turnirdı jeŋıp alǧan. Sport dep jügırıp, jiynǧa ketedı. Onda bır ai jatady, jarys künderı 15-20 kün sabaqtan qalady» deidı köp balaly äke. Endı qiyn bolsa da, aqyly bölımge oqytuǧa bel buyp otyr.
Jaŋa ereje boiynşa, ŪBT tapsyryp, konkursqa qatysqan tülekterdıŋ ūpaiy bırdei bolǧan jaǧdaida, bılım beru granttary attestattyŋ, kuälıktıŋ nemese diplomnyŋ ortaşa baly joǧary adamdarǧa berıledı. Eger ol da bırdei bolǧan jaǧdaida beiındık pänder nemese şyǧarmaşylyq emtihandar boiynşa alǧan baldary eskerıledı.
