Astanada bos jūmys oryndarynyŋ järmeŋkesı öttı. Jylyna ekı ret dästürlı türde ötetın mūndai järmeŋkeler jūmyssyzdarǧa laiyqty jūmys tabuyna, al jūmys beruşılerge mekemesın bılıktı mamandarmen jasaqtauǧa mümkındık beredı.
Keşegı järmeŋke nätijesınde qalalyq Jūmyspen qamtu ortalyǧy derekter bazasyna tırkelgen 800-ge juyq bos jūmys ornyn ūsyndy. Oǧan 30-dai mekemeden zaŋger, psiholog, esepşı, äleumettık qyzmetker, injener-elektrşı, audarmaşy, montajdauşy, dizainer, tıgınşı sekıldı mamandarǧa 100-den astam sūranys kelıp tüstı. Järmeŋkege jalpy sany 1700-dei adam qatysty. Olardyŋ 425-ı tüiındemesın ötkızse, myŋnan astamy oqytu kurstary, qoǧamdyq jūmystar jaiynda keŋes aldy. Al, Jūmyspen qamtu jäne äleumettık baǧdarlamalar basqarmasy joǧary oqu oryndarynyŋ biylǧy tülekterıne «Jastar täjıribesımen» qalalyq mekemelerde täjıribeden ötuge şaqyrdy.
Järmeŋke körsetkışterı köŋılge qonǧanymen, mamandar älı de şeşımın taba almai kele jatqan mäseleler bar ekenın aitady.
*Sübelı söz
Nūrgül AHMETOVA,
Jūmyspen qamtu ortalyǧy direktorynyŋ orynbasary:Jastar käsıptık oqytu kurstaryna barǧysy kelmeidı. Mäselen, qūrylysşy, dänekerleuşı, elektrşı qajet mekemelerge mamandar tauyp bere almai otyrmyz. Amal joq, üi-üidı aralap, jūmyssyz jandardy osy kurstarǧa şaqyryp jürmız. Kurs tegın oqytylady, kerısınşe oquşylarǧa aiyna 13 myŋ teŋge kölemınde şäkırtaqy tölenedı. Jastar būl mamandyqtardy qara jūmys sanaidy, olardyŋ qyzyǧatyny – keŋse qyzmetkerı, ekonomist, esepşı. Bıraq, būl mamandyqtarǧa sūranys mülde az.
Altynai BAIDAQOVA,
A.Baitūrsynov atyndaǧy QMU-dyŋ studentı
