Jaŋalyqtar

Jūmys ızdeseŋ järmeŋkege kel!

Erteŋ elordanyŋ «Jastar» saraiynda saǧat 10.00-13.00 aralyǧynda bos jūmys oryndaryn ūsynatyn järmeŋke ötedı. 

ERM_4835

Jastardy jūmyspen qamtu – memlekettık saiasattyŋ basym baǧyttarynyŋ bırı. Qala äkımdıgıne qarasty «Astana jastary» ūiymy qolǧa alǧan şara barysynda joǧarǧy oqu ornyn bıtırgen tülekterge sauda jäne ekonomika salasyndaǧy jūmys oryndary ūsynylady.
Jūmyssyzdyq deŋgeiın azai­tuǧa jäne mamandarǧa käsıbi baǧdar beruge baǧyttalǧan jär­meŋkege 40-tan asa jūmys beruşı kompaniia qatysady. Olardyŋ qatarynda «Trending Retail Group», «12 mesiasev-Astana», «KaR-Tel» TM Beeline, «Vita Clean» jäne taǧy basqa käsıp­oryndar bar. Jūmys beruşı ärbır kompaniia kemınde 3 adamǧa jūmys tauyp beruge niet bıldırıp otyr.
Järmeŋkege 40-tan astam jūmys beruşı qatysady. Būl şara joǧary bılımı bar tülekterge qyzmet salasyn zertteuge jäne laiyqty jūmys tabuǧa mümkındık beredı. Ärbır azamat bügınde qandai jūmys oryndary bar, qalaǧa qandai mamandar qajet, jūmysqa tez ornalasu üşın ne ısteu kerek sekıldı saualdarǧa käsıbi mamandardan jauap ala alady. Būdan bölek tegın qūqyqtyq kömek körsetu, aula klubtaryn damytu, erıktıler qozǧalysyn jandandyru, jūmys­qa tūrǧyzuǧa järdemdesu jäne käsıbi baǧyt-baǧdar berudı jüzege asyryp kelemız, – deidı mekemenıŋ Jūmyspen qamtu jäne käsıbi baǧdar beru bölımınıŋ basşysy Aidana Mūsataeva.

Taǧyda

Ūqsas jaŋalyqtar

Pıkır üsteu

Back to top button