«Atameken» Qazaqstan kartasy» etno-memorialdyq keşenınde Memleket basşysy Nūrsūltan Nazarbaevtyŋ «Qazaqstannyŋ äleumettık jaŋǧyrtyluy: Jalpyǧa Ortaq Eŋbek Qoǧamyna qarai 20 qadam» baǧdarlamalyq maqalasyndaǧy tapsyrmalardy jüzege asyru boiynşa äreketter strategiiasyn talqylauǧa bailanysty döŋgelek üstel ūiymdastyryldy.
Bügıngı taŋdaǧy asa özektı mäselelerdıŋ bırı äleumettık salaǧa qatysty bolyp otyrǧany belgılı. Soǧan bailanysty Qazaqstan Respublikasynyŋ Prezidentı praktikalyq, pragmatikalyq jaŋa bastama bolyp tabylatyn «Jalpyǧa Ortaq Eŋbek Qoǧamy» ideiasyn ūsynyp, äleumettık jaŋǧyrtudyŋ basty maqsattary, mındetterı men qaǧidattaryn belgılep berdı. Äleumettık mäselelerdı ärkez baqylauynda ūstap, özınıŋ nazaryn ärbır qazaqstandyqtyŋ äleumettık jaǧdaiyn jaqsartuǧa baǧyttap otyratyn Elbasy bügınde Qazaqstan obektivtı türde ortaşa Europa elderınıŋ äleumettık damu sapasy deŋgeiıne naqty jaqyndaǧanyna, otandastarymyzdyŋ ömır ülgı-qalyptarynyŋ tūraqty türde joǧarylap kele jatqanyna toqtaldy. Şyn mänınde tūraqtylyq pen igılık jemısterın tiımdı paidalanudyŋ maŋyzy zor. Osyǧan orai, döŋgelek üstel barysynda «Atameken» Qazaqstan kartasy etno-memorialdyq keşenınıŋ direktory Ümıthan Mūŋalbaeva atalǧan baǧdarlamalyq maqalasynda Memleket basşysy äleumettık jaŋǧyrtulardyŋ negızgı qaǧidattaryn baiyppen aşyp körsetıp bergenın tılge tiek ettı. Atalmyş şaraǧa «Atameken patriottary» men ata-analary jäne keşen ūjymy, Astana qalasy Esıl audany äkımı apparatynyŋ, Mädeniet basqarmasy men oǧan qarasty mekemelerdıŋ, Astana qalasy Işkı saiasat basqarmasy men «Nūr Otan» HDP ökılderı qatysyp, Elbasynyŋ maqalasyna qatysty oilaryn ortaǧa saldy.
«Atameken» Qazaqstan kartasy etno-memorialdyq keşenınıŋ ūjymy bügıngı taŋda oquşylardyŋ boiyna eŋbeksüigıştık sezımderdı ūialatyp, öz Otany, elı men jerı üşın eŋbek etıp, ızdenımpazdyqty qūrmetteuge tärbielep, öz halqynyŋ maqtanyşy boluyna, önegelı azamattar bolyp qalyptasuyna yqpal etıp keledı. Sol sebeptı, döŋgelek üstel basyna jinalǧandar Elbasynyŋ jastardy jaqsylyqqa, jaqsy ömırge jeteleitın baǧdarlamalyq maqalasyn «Atameken patriottarymen» bırlese talqylap, onyŋ jüzege asuyna üles qosu kerektıgın, jaŋǧyrtudyŋ tabystylyǧy üşın ärbır azamat öz Otanyna paidasyn tigızuı tiıs degen pıkırge toqtaldy.
«Astana qalasy oquşylarynyŋ bılım deŋgeiınıŋ tereŋdetıp, jan-jaqty qalyptasuyna septıgımızdı tigızumen bırge jazǧy demalys uaqyttaryn tiımdı paidalanuǧa zor ülesımızdı qosyp kelemız. Mūnda balalar Qazaqstan tarihyna qatysty bılımderın jetıldırıp qana qoimai, äleumettık jaǧdailaryn tūraqtandyryp, tabys ta tabady. Ai saiyn özderıne tiesılı ailyqtaryn alyp otyrady. Osy täjıribe arqyly bız oquşylardyŋ boiyna eŋbekqorlyq qasiettı tudyryp, eŋbektıŋ qadırın tüsındıremız. «Eŋbek etseŋ – emersıŋ» demekşı, är adam öz eŋbegınıŋ qyzyǧyn körıp, halqyna paidasyn tigızuge mındettı», – dedı Ü.Mūŋalbaeva.
Gülbarşyn ÖKEŞQYZY
