Osy aptada Ükımet «Jūmyspen qamtu jol kartasy – 2020» baǧdarlamasyn qabyldady.
Qūrylys jürse, qol bos bolmaidy
Bırınşıden, azamattar infraqūrylym jäne tūrǧyn üi-kommunaldyq şaruaşylyq jüiesı arqyly jūmyspen qamtylady. Būl mehanizm 2009-2010 jyldardaǧy «Jol kartasynda» qoldanylǧan bolatyn. Iаǧni, halyq tūrǧyn üi-kommunaldyq şaruaşylyq, äleumettık-mädeni, respublikalyq maŋyzy bar nysandardy, injenerlık-kölıktık infraqūrylymdy jöndeu jūmystaryna tartylady. Sonymen qatar, biyl auyldardaǧy feldşerlık-akuşerlık qosyndar qūrylysyna, abattandyruǧa köŋıl bölınetındıkten, şalǧaidaǧy şaǧyn eldı mekenderde ekı qolǧa bır kürek tabylady.
«Jergılıktı biudjetten bölınetın qarjyny esepke alǧanda, atalǧan baǧytty jüzege asyruǧa qarastyrylǧan somanyŋ jalpy kölemı 57,6 mlrd teŋge jäne 22,5 myŋ jūmys orny paida bolady» dep atap öttı qūjatty tanystyrǧan Eŋbek jäne halyqty äleumettık qorǧau ministrınıŋ mındetın atqaruşy Tamara Düisenova
Tırşılık lebın äkeletın «tırek auyldar» ideiasy
Ekınşı baǧyt boiynşa auylda jeke käsıppen ainalysqysy keletınderge 3 million teŋgege deiın şaǧyn nesie beru arqyly qoldau körsetılmekşı. Mūndai ädıs būdan būryn jüzege asyrylǧan «Jūmyspen qamtu-2020» baǧdarlamasynda da bolǧan edı. Bıraq, būl jolǧy bastamanyŋ özgeşelıgı – «tırek auyldar» ideiasy. Jūrtşylyqpen keŋese otyryp, är auyldyŋ öz damu jospary daiyndalady. Onda auylǧa qandai infraqūrylym, qanşa maman qajettıgı, basqa da jūmys ornyn köbeituge septıgı tietın şaralar egjei-tegjeilı jazylady. Ondai tızımge kırgen auyldardyŋ käsıpkerlerıne berıletın şaǧyn nesie kölemı 5 millionǧa deiın arttyrylmaq. Tek jergılıktı jerdıŋ äjetıne jaraityn şarua bastasa boldy. Ösımı paiyzdan aspaidy. Al, kooperativke bırıkkenderge arnaiy bır jobany jolǧa qoiatyndai-aq qarjylai qoldau körsetılıp, kerek qūral-jabdyq pen tehnologiia satyp aluǧa granttar bölınedı. Äzırge qanatqaqty jobaǧa elımızdıŋ alty oblysynan (Şyǧys Qazaqstan, Qyzylorda, Aqmola, Atyrau, Almaty, Qaraǧandy oblystary) 11 «tırek auyl» ırıktelıp alyndy. Ekınşı baǧyt boiynşa 11,4 myŋ jūmys orny aşylady dep kütılude. Oǧan 25,7 milliard teŋge bölınedı.
Äleumettık kelısımşart
Üşınşı baǧytty būryn-soŋdy bolmaǧan sony täjıribe desek te bolady. Būdan bylai jūmys beruşı özınıŋ bolaşaq qyzmetkerın oqytuǧa tıkelei üles qosady. Is-täjıribeden ötuge jaǧdai jasaidy jäne bırtındep jūmysqa aluǧa kepıldık beredı. Bır sözben aitqanda, jūmys beruşı bolaşaq mamanmen äleumettık kelısımşartqa otyrady. Al, äleumettık jūmysqa tartylǧandarǧa kelısımşart merzımı bır jyldyŋ ornyna bır jarym jylǧa, «jastar praktikasy» jarty jyl ornyna bır jylǧa ūzartylyp otyr. Memleket «jastar praktikasyna» ılıkkenderge jalaqyny bırtındep kemi beretın şkalamen töleidı, al, qalǧan alty aiyn jūmys beruşı öz moinyna alady.
Tūrǧyn üimen qamtu mındetın teŋdei bölısedı
Baǧdarlamada eŋbekkerlerdı tūrǧyn üimen qamtu mäselesıne de köŋıl bölınıptı. Bıraq, tūrǧyn üi tek jūmys beruşıden naqty ūsynys tüsken jaǧdaida ǧana salynady. Mysaly, qazırgı taŋda SQO, ŞQO, Pavlodar, Qyzylorda oblystarynyŋ jūmys beruşılerı jūmysqa aluǧa kepıldık bere otyryp, jalpy kölemı 313 päter baspana salu bastamasyn köterıp otyr. Üi saluǧa ketetın qarjy men qūrylysty jürgızu mındetın memleket pen jūmys beruşı teŋdei bölısedı. Al, qūrylystyŋ orny naqty bır öndırıske qarai taŋdalady. Jalpy, üşınşı baǧyt boiynşa kemı 90,1 myŋ adamdy jūmyspen qamtu josparlanyp otyr. Ony jüzege asyruǧa 213,4 mlrd teŋge qarasty-rylady.
