JŪMYSSYZDYQTY EŊSERER EKI BAǦYT
Elordada «Jūmyspen qamtudyŋ Jol kartasy – 2020» baǧdarlamasy aiasynda eŋbek naryǧyndaǧy bırtalai qiyndyqtar eŋserıletın türı bar. Onyŋ tiımdılıgı sol, jaŋa jūmys oryndary aşylyp qana qoimai, elordanyŋ köptegen nysandary jöndeuden ötıp, qalanyŋ infraqūrylymdyq jüiesı de ajarlana tüspek.
Astana qalasy Jūmyspen qamtu ortalyǧynyŋ mälımetıne süiensek, biylǧy baǧdarlama ekı baǧyt boiynşa jürgızılmek. Sonyŋ bırı – infraqūrylym men tūrǧyn üi-kommunaldyq şaruaşylyǧyn damytu esebımen jūmyspen qamtu bolsa, ekınşısı – jūmysqa ornalastyruǧa kömektesu jäne oqytu baǧyty.
Bırınşı baǧyt boiynşa 16 äleumettık-mädeni nysanǧa kürdelı jöndeu jūmystary jürgızıletın bolady. Atap aitqanda, №7, №34, №24, №17, №33, №20, №2 balabaqşalar, №50 «Qazǧaryş» mektep-liseiı, №1 lisei ǧimaraty, «Şyǧys» balalar-jasöspırımder ortalyǧy men «Arman» sporttyq-sauyqtyru lagerı qaita jaŋaratyn bolady. Sonyŋ esebınen 815 jaŋa jūmys orny aşylady. Būǧan qosa, Ortalyq qalalyq kıtaphana, ūldar men qyzdarǧa arnalǧan medrese, Qarttar men mügedekterge arnalǧan medisinalyq-äleumettık mekeme, Balalar üiı jöndelıp, 9 nysannyŋ ainalasy abattandyrylady. Taǧy tört nysanǧa kürdelı jöndeu jūmystary jürgızılıp, esesıne 110 adam jūmyspen qamtylmaq.
Al «Jūmysqa ornalastyruǧa kömektesu jäne oqytu» baǧyty boiynşa jūmys ızdep jürgen azamattardy käsıbi oqytu, äleumettık jūmys oryndary men jastar praktikasyn ūiymdastyru şaralary qolǧa alynǧan.
Bügınde Astanada baǧdarlama boiynşa 355 adam tärbieşı, tıgınşı, elektr dänekerleuşı, elektrik, buhgalter mamandyqtary boiynşa oqudy bastapty. Al, äleumettık jūmys oryndary men jastar praktikasyna 371 adam jıberılgen. Onyŋ 159-y mekemelermen kelısımşartqa otyrǧan.
Jyl basynan berı atalmyş baǧdarlama boiynşa 1151 adam jūmysqa ornalasqan eken.