QR Mädeniet ministrlıgınıŋ Tıl komitetı «Memlekettık tıl jäne BAQ» atty respublikalyq baiqau ötkızdı. Jurnalister merekesıne orailastyrylǧan şaranyŋ maqsaty – memlekettık tıl saiasatyn nasihattap jürgen jekelegen avtorlardyŋ jūmysyna oŋ baǧa beru.
Baiqau materialdaryn «Egemen Qazaqstan» respublikalyq gazetı» AQ prezidentı Sauytbek Abdrahmanov, jazuşy, audarmaşy Keŋes Iýsup, QR Parlament Mäjılısı apparaty redaksiialau jäne audarma bölımınıŋ meŋgeruşısı Däuıtälı Omaşūly, «Qazaqstan» teleradio korporasiiasynyŋ basqarma töraiymy Nūrjan Mūhamedjanova syndy qalamgerler saralap, öz qorytyndylaryn jasady.
Qazylar alqasynyŋ töraǧasy Sauytbek Abdrahmanov «Būl baiqaudyŋ aiasy jyldan-jylǧa keŋeiude. Bızdıŋ tılımızdı tek ana tılınde ǧana emes, orys basylymdarynda, orystıldı habarlarda nasihattau jaǧy jaqsaryp keledı. Baq synauǧa ötınış bıldırgen ümıtkerler sany da köp. Olardyŋ arasynan üzdıkterdı anyqtau oŋai bolǧan joq. Eŋ aldymen aitar oiyna, jurnalistık şeberlıkterıne män berıp, kötergen mäselesınıŋ özektılıgıne qarauǧa tyrystyq» dep atap öttı.
Sonymen, «Üzdık maqala» atalymy boiynşa «Egemen Qazaqstan» gazetınıŋ tılşısı Näzira Järımbetova men «Türkıstan» gazetınıŋ tılşısı Dinara Myŋjasarova, «Üzdık telearna baǧdarlamasy» nominasiiasynda «Habar» agenttıgınıŋ jurnalisı Gülvira Biǧalieva, «Üzdık radio baǧdarlamasy» atalymy boiynşa «Qazaq radiosynyŋ» qyzmetkerı Nūrjamal Iаngibaeva, «Üzdık sait maqalasy» atalymynda www.kasym.kz saitynyŋ qyzmetkerı Aian Azamatūly jüzden jüirık dep tanyldy. Qatysuşylardyŋ barlyǧyna arnaiy alǧyshattar men qarjylai syilyqtar tapsyryldy.
Erkejan SÄTIMBEK
