Basty aqparat

JYLAŞAR JİYN

Keşe Astanada Memleket basşysy Nūrsūltan Nazarbaevtyŋ qatysuymen V şaqyrylymdaǧy Parlamenttıŋ ekınşı sessiiasy öttı. Senat pen Mäjılıstıŋ bırlesken otyrysynda Elbasy deputattar aldynda tūrǧan mındetterdı aiqyndap, bırqatar tapsyrmalar jüktedı.

QR Parlamentınıŋ qūramy biylǧy jyldyŋ qaŋtar aiynda qaita jaŋartylǧany belgılı. Bügınde Senatta – 47, al Mäjılıste – 107 deputat bar. Parlamenttıŋ tömengı palatasy qūramyndaǧy halyq qalaulylarynyŋ 83-ı – «Nūr Otan» pariiasynan bolsa, 8-ı «Aqjol» partiiasynan, al 7-euı Qazaqstannyŋ halyqtyq kommunistık partiiasynan sailanǧan. Būdan özge, Qazaqstan halqy Assambleiasy ūsynǧan 9 deputat jūmys ısteidı.

Parlamenttıŋ osy sessiiasy özınıŋ jūmysyn jaŋa äleumettık-saiasi jaǧdaida bastaǧaly otyrǧanyn alǧa tartqan Elbasy Qazaqstan barynşa qarqyndy damyp kele jatqanyn, ışkı jalpy önımnıŋ ösımı 5,6 paiyzǧa jetkenın, memlekettık biudjettıŋ tüsımı 25 paiyzǧa juyq öskenın, elımızdıŋ halyqaralyq qory 15 paiyzǧa artyp, 83 milliard dollardan asqanyn atap aitty.

Söz kezegınde Prezident Nūrsūltan Nazarbaev üşpartiialy Parlamenttıŋ jūmysyn jaqsy baǧalap, onyŋ jūmysy kezınde 36 zaŋ qabyldaǧanyn atap öttı.

Parlament deputattarynyŋ aldynda tūrǧan mındetterdı jıktegen Memleket basşysy qazırgıdei jahandyq ekonomikanyŋ kürdelı jaǧdaiynda biudjettık şyǧystardyŋ ünemdılıgı men olardyŋ tiımdı jūmsaluyna basty nazar audaru qajettıgın aitty.

– Osy sessiia barysynda jaŋa üş jyldyq biudjettı äzırleu mındetı tūr. Ükımet biylǧy jyldyŋ biudjetın naqtylaǧanda, menıŋ tapsyrmam boiynşa biudjet şyǧystaryn 57 milliard teŋgege qysqartty. Sonymen qatar men älı de qysqartu men biudjettık ünemdık rezervterı bar dep sanaimyn. Ekonomikalyq ösım men halyqty eŋbekpen qamtudy qamtamasyz etpeitın şyǧystar qarastyrylmauǧa tiıs, – dedı N. Nazarbaev.

Sondai-aq, Elbasy ekonomikalyq ösımnıŋ qūqyqtyq bazasyn jaqsartu, taiaudaǧy jyldarda zaŋdyq qūjattardy rettep, olardyŋ el azamattaryna tüsınıktı ärı qarapaiym tılde boluyn qamtamasyz etu jäne memlekettık basqaru men memlekettık qyzmet jüiesın jaŋǧyrtudyŋ tiımdı joldaryn qarastyru mäselelerıne män berudı tapsyrdy.

– Bızdıŋ bügıngı tabystarymyz özdıgınen kele salǧan joq, dedı Elbasy öz sözınde. – Būl barşa halqymyzdyŋ 20 jyldyq qajyrly eŋbegınıŋ nätijesı. Ärbır qazaqstandyqtyŋ joǧary deŋgeidegı qūqyqtyq mädenietın tırek etkende ǧana bız XXI ǧasyrda elımızdı örkendetu maqsatyna qol jetkıze alamyz. Joǧary deŋgeidegı qūqyqtyq mädenietsız tiımdı ekonomika da, el igılıgıne jūmys ısteitın zaŋdar da, alǧa qaryşty qadam basu da bolmaidy. Örkeniettı ekonomika men qūqyqtyq memlekettı tek zaŋǧa sözsız baǧynatyn, elınıŋ zaŋyn syilaityn azamattar ǧana damyta alady.

Endeşe, mındet – aiqyn, tek jūmysqa beldı buyp, bılek sybana kırısu ǧana qaldy.

Taǧyda

admin

«Astana aqşamy» gazetı

Ūqsas jaŋalyqtar

Pıkır üsteu

Back to top button