Жаңа жыл қарсаңында игі дәстүр бойынша Астана қалалық мәслихатының депутаттары қала әкімдігінің «Нұрлы жүрек» әлеуметтік қызмет көрсету орталығының тәрбиеленушілерін құттықтады, деп хабарлайды astana-akshamy.kz.
Орталық тәрбиеленушілеріне арнап ертегіге толы концерттік бағдарлама ұйымдастырылып, тәттілер мен ойыншықтар дайындалды.
-1980 жылдары «Ақыл-есі кем балаларға арналған балалар үйі» ретінде құрылған бұл орталық бүгінде 3 жастан 18 жасқа дейінгі және одан үлкен жастағы адамдарға стационарлық және жартылай стационарлық бөлімшелерде тұруға жағдай жасайды. Арнайы білім беру қажеттіліктері бар балалар үшін психологтар мен педагог мамандар тарапынан психологиялық және педагогикалық қолдау көрсетуге бағытталған арнайы бағдарлама әзірленген, – деді Астана қалалық мәслихатының төрағасы Ерлан Каналимов.
