Оқушылар сарайында Махамбет Өтемісұлының поэзиясына арналған «Батыр бабам-Махамбет» атты қалалық мәнерлеп өлең оқу байқауы болып өтті.
Батырдың шығармашылығын дәріптеуге арналған шараға 100-ден астам оқушы қатысуға ниет білдірген. Сайыс шарттары бойынша өрендер батырдың поэзиясынан екі тілде үзінді оқып, ал кейбіреулері өз шығармаларын ұсынды. Үш номинация бойынша өткен жанр бәйгесінде әділқазылар үздік шыққан оқушыларды анықтады. Классик ақынның образын танытқан қатысушылардың барлығына диплом мен сыйлықтар тапсырылды.
