Маңызды мәселелер талқыланды
Есіл ауданының активі Мемлекет басшысының халыққа Жолдауының негізгі бағыттарын талқылады.
Жиынға аудан әкімі Төлеген Закарьянов пен Астана қалалық мәслихат депутаттары, аудан құрылымдарының басшылары, аудандық Ардагерлер ұйымының активі, сондай-ақ, білім беру, денсаулық сақтау, мәдениет, спорт мекемелерінің және құрылыс компаниялары өкілдері қатысты.
Президент өз Жолдауында халық табысының өсуі, тұрмыс сапасын арттыру, өмір сүруге жайлы орта қалыптастыру, азаматтар сұранысына бейімделген мемлекеттік аппарат, тиімді сыртқы саясат, әрбір қазақстандықтың еліміздегі өзгерістер үдерістеріне атсалысуы туралы негізгі 6 бағытты айтқан болатын.
Жиын барысында сөз алған Жұмыспен қамту және әлеуметтік қорғау басқармасының басшысы Ермек Оспанов, №2 көпсалалы аурухана бас дәрігерінің орынбасары Гүлмира Мағзұмова және ҚР Мемлекеттік қызмет істері және сыбайлас жемқорлыққа қарсы іс-қимыл агенттігі Астана қаласы бойынша департамент басшысы, Әдеп жөніндегі кеңес төрайымы Жазира Жылқышиева сынды спикерлер тұрғындарды жұмыспен қамту, сапалы және қолжетімді тұрғын үймен қамтамасыз ету, білім беру және денсаулық сақтау салаларын дамыту, тұрғын үй қорын тиімді басқару, мемлекеттік аппаратты жаңғырту және сыбайлас жемқорлыққа қарсы күрес сияқты мәселелерді қозғады.