Білім
Мектептердің дайындығына мониторинг жүргізілді
![](https://www.astana-akshamy.kz/wp-content/uploads/2024/08/454571341_1197605378222142_3113423850604904377_n-780x470.jpg)
Астана қаласының Байқоңыр ауданында ағымдағы аптада арнайы комиссия мүшелері мектептердің, колледждер мен ЖОО-ның жаңа оқу жылына дайындығы бойынша мониторинг жұмыстарын жүргізді, деп хабарлайды astana-akshamy.kz.
Комиссия құрамында аудан әкімдігінің, Астана қалалық Білім басқармасының, аудандық Төтенше жағдайлар және полиция басқармасының, ауданның санитарлық-эпидемиологиялық бақылауының өкілдері болды.
Мониторинг барысында сыртқы, ішкі бейнебақылау камераларының болуы, төтенше жағдайларға дайындығы, мүмкіндігі шектеулі адамдар үшін қолжетімділік, оқу кабинеттерінің тиісті деңгейде жабдықталуы, инженерлік желілерінің жай-күйі қаралды.
Мониторинг нәтижесінде анықталған олқылықтарға сәйкес білім беру мекемелері басшыларына тамыз айының 15-іне дейін кемшіліктерді жою бойынша жұмыстар жүргізу туралы тапсырмалар берілді.