Мемлекет басшысының Жарлығымен ҚР Көлік және коммуникация министрі болып Жеңіс Қасымбек, ҚР Мәдениет министрі болып Арыстанбек Мұхамедиұлы, Үкіметтің қаулысымен Байланыс және ақпарат агенттігінің төрағасы болып Асқар Жұмағалиев тағайындалды.

Елімізде жылжымайтын мүлік құқығы міндетті түрде электрондық тәртіппен тіркелетін болады. Жылжымайтын мүлікке құқықты мемлекеттік тіркеу Халыққа қызмет көрсету орталықтары арқылы немесе бірыңғай нотариаттық ақпараттық жүйе арқылы электрондық нысанда жүзеге асатын болады. Осыған байланысты құқықтарды қағаз түріндегі тіркеу баламасы алынып тасталады.