Жаңалықтар
«МЕРСЕДЕСТЕН» МЫЛТЫҚ ШЫҚТЫ ОҒЫ БАР
Астаналық полиция қызметкерлері тексеру бекетінде қалаға кіріп келе жатқан жолаушының көлігінен аңшы мылтығын тәркіледі.
15 қараша күні полиция қызметкерлері Қарағанды тас жолы бойындағы бекетте құжат тексеру мақсатында «Мерседес» маркалы автокөлікті тоқтатқан еді.
Тексеру барысында көлік салонынан 16 калибрлі аңшы мылтығының бөлшектерін және жолаушылардың бірінен 5 оқ тапқан. Оның үстіне көліктің мемлекеттік тіркеу нөмірі де жалған екен.
Сонымен қатар, ұсталған азаматтың бұрын қылмыстық іске қатысы болғандығы да анықталған. Ол бұзақылығы мен суық қару сақтағаны үшін істі болған екен.
Қазіргі уақытта ол уақытша қамау изоляторында тергеліп жатыр.