Қазақстанда мүлік салығын төлеу мерзімі 1 қазанда аяқталады, деп хабарлайды astana-akshamy.kz
Жеке тұлғалардың мүлкіне салынатын салық күнтізбелік жылға есептеледі: 1 қаңтардан 31 желтоқсанға дейін.
Қазақстанда 2024 жылғы 1 қазанда жылжымайтын мүлік және жер учаскелерінің меншік иелерінің 2023 жылға мүлік салығын төлеу мерзімі аяқталады.
Бұл ретте салық органдары мүлікті меншік құқығында иеленудің нақты мерзімін ескере отырып, жыл сайын «Азаматтарға арналған үкімет» мемлекеттік корпорациясы айқындайтын құн негізінде есепті салық кезеңінен кейінгі жылдың 1 шілдесінен кешіктірілмейтін мерзімде салықты есептейді.
Салық төленетін мүлік бойынша төленеді:
- ортақ бірлескен меншікте олардың арасындағы келісім бойынша мүлік иелерінің бірі салық төлеуші болып табылады. Егер салық сомасы барлық меншік иелеріне келген жағдайда, төлемді меншік иелерінің біреуі ғана төлейді;
- жалпы үлестік меншікте мүліктің барлық меншік иелері осы мүліктегі үлесіне сәйкес салық төлеушілер болып табылады.
Қате төлемдерді болдырмау үшін Мемлекеттік кірістер комитеті kgd.gov.kz сайтындағы «алдағы төлемдер» сервисінде, e-salyq azamat мобильді қосымшасында, сондай-ақ Kaspi.kz және Halykbank банктердің мобильді қосымшаларында көрсетілген деректемелер бойынша төлем жүргізудің бір мезгілде мүмкіндігімен нақты есептелген салық сомасын қарауды ұсынады.
Сурет: canva.com
