НАҚ-НАҚ
Губерманның шығармашылық кеші
Елордадағы Назарбаев орталығында Израиль жазушысы және ақыны Игорь Губерманның шығармашылық кеші өтті.
Шығармашылық кеште жазушы шығармаларынан үзінділер оқылып, оның басынан кешкен оқиғалары туралы әңгіме өрбіді. Ақынның шығармаларымен жақсы таныс жандар оған өздерінің сауалдарын жолдады.
Игорь Губерман, Израиль ақыны, жазушы 1936 жылы 7 шілдеде Харьков қаласында дүниеге келген. Мәскеу теміржол көлігі инженерлері институтын (МТИИ) тәмамдап, инженер-электрик дипломын алған. Бірнеше жыл бойы мамандығы бойынша жұмыс істеген, бірақ әдебиетті тастамады. 1979 жылы Губерманға жалған айып тағылып, 5 жылға бас бостандығынан айырылды. Ол лагерьде жүріп күнделік жазды. Айдауда болған жылдары осы күнделіктердің негізінде «Барак айналасындағы серуен» (1988) атты кітабын жазған.
ҚОМАҚТЫ ЖЕТІСТІК
Л.Н.Гумилев атындағы Еуразия ұлттық университеті білім беру сапасын қамтамасыз ету жөніндегі тәуелсіз қазақстандық агенттіктің (IQAA-НКАОКО) ұлттық рейтингісіне сәйкес биыл да бірінші орынға жайғасты.
Тамырын терең жайып, ғасырлық межеге тақау келіп қонған жоғары оқу орындарынан көш ілгері көрсеткіш көрсету оңай болмаса керек. Сонымен бірге өткен жылы «Қызмет көрсететін үздік кәсіпорын» аталымы бойынша ҚР Президентінің «Алтын сапа» сыйлығына иелік еткендігін де атап өткен жөн.
…Биылғы оқу жылы Еуразия ұлттық университеті үшін тағы сәтті басталды. Үздік университеттерді анықтауда күллі әлем аузына қарайтын агенттіктердің бірегейі – QS World University Rankings 2013-2014 жылдарға арналған рейтингісін жария етті. Тізімге кірген ЖОО-лардың ұзын-ырғасы – 17 мың. Қуантатыны сол, аталған тізім бойынша ЕҰУ бірден 66 сатыға жоғарылаған. Табан тіреген тұсы – 303-орын. Бұл қазақстандық жоғары оқу орындарының ішіндегі ең жоғары көрсеткіш болып есептеледі.
Жасұланбек МАЙЛЫБАЙ
«Алтай барысы» атанды
Кенді Алтайда Оралхан Бөкейдің 70 жасқа толуына орай балуандар бақ сынасып, «Алтай барысы» анықталды.
Айбек Нұғымаровқа дейін «Қазақстан барысы» атанған тараздық Бейбіт Ыстыбаев пен қызылордалық Ұлан Рысқұловтың шаршы кілемдегі белдесуі тартысты басталғанымен, Ұлан Рысқұлов ақтық тартысқа жетпей сүрінді. Ал, Бейбітпен белдескен шығыстың тағы бір тарланы Мұхит Тұрсынов соңғы кездесуде намысты қолдан бермей, қарсыласын қапы қалдырды. Сөйтіп, «Алтай барысы» атанды.
Сансөйлем…
Астана қаласында биыл осыншама тонна астық азық-түлікке жіберілді.
Кеше…
Қазақстан Орталық концерт залында Лилль қаласы (Франция) Ұлттық оркестрінің концерті өтті.
Бүгін…
«Конгресс холлда» Абылай ханның 300 жылдығына орай Көкшетау филармониясы «Арқаның кербез сұлу Көкшетауы» концертін қойды.
Ертең…
«Думан» қонақ үйі кешенінде «Үздік жарнама» қалалық байқауы ұйымдастырылады.
Таңатар ТӨЛЕУҒАЛИЕВ