«Нұра» ауданының әкімдігінде апта сайын МИБ және ПИК төрағаларымен кездесулер өткізіледі. Онда ауданның жекелеген үйлеріне де, сондай-ақ түгел кварталға да қатысты ағымдағы мәселелер талқыланады. Мұндай жиналыстарға қалалық басқармалардың, коммуналдық қызметтердің өкілдері мен құрылыс компаниялары басшылары қатысады, деп хабарлайды astana-akshamy.kz
Аудан әкімінің орынбасары Сәрсенғали Ақжоловтың төрағалығымен өткен соңғы отырыста тұрғындардың шағымдары мен ұсыныстары талқыланды. Қатысушылар арасында Астана қаласының Қалалық орта сапасы және бақылау басқармасының, сондай-ақ құрылыс компанияларының өкілдері болды. Көтерілген мәселелердің бір бөлігін әкім орынбасарының жеке қабылдауларында және құрылыс салушылармен көшпелі кездесулерде қарау жоспарлануда.
Бейсенбідегі апта сайынғы кездесулер өздерін тұрғындармен жұмыстың тиімді платформасы ретінде көрсетті. Бұған дейін мұндай отырыстарға Астана Су Арнасы, Коммуналдық шаруашылық және басқа да қалалық қызметтер мамандары қатысты.
