Елорданың 15 жылдық мерейтойынан ел аймақтары да қалыс қалып тұрған жоқ. Сондай өңірлердің бірі – бас қала іргесіне тиіп тұрған Қарағанды облысы. Өндірісті өлкеде 21 маусымда «Астананың 15 жылдығына 15 ізгі іс» атты 15 күндік басталды. Бұл күн «Нысанада – Астана» жалпы тақырыптық атауға ие болды.
Екінші күні облыстың барлық қалалары мен аудандарындағы мәдени мекемелерде: мұражайларда, кітапханаларда елорда тынысын бейнелейтін көркем, саяси, әдеби, қолданбалы, халық шығармашылығы көрмелері, экспозициялар, ақпараттық стенділер ашылды.
15 күннің әрқайсысының өз атауы бар. Мәселен, бір күн «expo-2017» қарсаңында Индустрия және жаңа технологиялар күні деп аталады. Сол сияқты, «Астана, біздің спорттағы жетістіктеріміз саған арналады!», «Астананы мадақтаймыз!», т.б. атаулы күндер бар. Он бес күндік 6 шілдедегі «Туған күніңмен, Астана!» күнімен жабылмақ.
Аманғали ШМИТҰЛЫ
