Өнерлі отбасылар концерті
![](https://www.astana-akshamy.kz/wp-content/uploads/2024/08/semya-780x470.jpg)
Астана қаласы әкімдігінің Есіл ауданы бойынша Белсенді ұзақ өмір сүру орталығында «Ұрпақтар сабақтастығы» жобасы аясында Білім күніне арналған «Мектеп және отбасы» концерті өтті.
Концертке өнерлі отбасылар, зейнеткер ата-әжелер мен олардың немерелері қатысты. Кеш шымылдығын «Тойбастар» күйімен «Асыл мұра» домбырашылар ансамблі ашты. «Сағыныш сазы» ансамблінің мүшесі Әсемхан Ескендірдің немересі Риза Арлан күй атасы – Құрманғазының «Балбырауын» күйін орындады. «Шұғыла» тобындағы Алмасбай Ерниязовтың немересі Аделя атасы жазған авторлық өлең оқыды. «Арқа әуендері» халықтық вокалдық тобының мүшесі Ғалия Мелдебекованың немересі 6 жасар Әлия, «Шұғыла» тобындағы Қабай Сейітжапардың немересі Жаннұр, осы топтағы Сағынгүл Шадрқұлованың немересі Назерке Дәулет және орталықтың өнерлі зейнеткерлері өнер көрсетті. «Қазына» салт-дәстүрді дәріптеу ұжымы басталғалы тұрған оқу жылына сәттілік тілеп, тәттілерден шашу шашты.
Аманғали ҚАЛЖАНОВ