Бас қалада «Таза Қазақстан» онлайн-платформасы арқылы тұрғындардан өтінімдер қабылдануда, онда әркім қаланы абаттандыруға байланысты ойын ортаға салып, ұсынысын жеткізе алады.
«Таза Қазақстан» платформасы бойынша өтініштерді қабылдау жөніндегі оператор Айнұр Әкімсалдың айтуынша, бүгінгі таңда жүйеде 1000-нан астам өтінім тіркелген, олардың 8-і жұмыс үстінде, қалғандары орындалды.
– Өтінімдердің негізгі санаттарына аумақтарды абаттандыру, жарықтандыру мәселелері, жолдарды жөндеу, көгалдандыру, рұқсат етілмеген полигондарды жою және кіреберістердің санитарлық жағдайын жақсарту кіреді, бұл осы мәселелерді шешуге жүйелі көзқарастың қажет екенін көрсетеді, – деді оператор.
Нұра ауданы әкімдігі инфрақұрылым бөлімінің бас маманы Салавди Арықбеков бүгінге дейін келіп түскен өтініштер туралы айта келе, порталдың артықшылығына тоқталды.
– Нұра ауданы бойынша 1 маусым мен 8 желтоқсан аралығында «Таза Қазақстан» платформасы арқылы 221 өтініш келіп түсті. Олардың барлығы пысықталды. Қабылданған шаралардың қорытындысы бойынша тұрғындар мемлекеттік органдардың жұмысын бағалай алады. Мысалы, аялдама павильонының санитарлық жағдайына шағым түсті. Мердігер ұйымдар павильонды ретке келтірді. Жалпы аялдамаларды күнделікті тазалау бекітілген жоспарға сәйкес жүргізіледі. Алайда өтінімдер iKomek-ке немесе «Таза Қазақстан» порталы арқылы келіп түссе, біз әрқашан жедел түзету енгіземіз. Портал жұмысының басынан аялдамаларды жинау мәселелері бойынша 221 өтініш келіп түсті. Олардың барлығы уақытылы өңделеді және тұрғындардың кері байланысы мен бағалауының арқасында біз қала тұрғындарының атқарылған жұмыстарға қаншалықты қанағаттанғанын көреміз. Қыста өтініштер саны артады, өйткені қардың еруіне байланысты аялдамаларды жиі тазарту қажет. Бұдан басқа, аялдамалардағы жылумен жабдықтау жүйесінің жұмысына байланысты өтінімдер келіп түседі. Барлық ескерту уақытылы өңделеді, бұл тұрғындарға қолайсыздықты азайтуға мүмкіндік береді. «Таза Қазақстан» порталының басты артықшылығы – тұрғындармен жылдам әрі ашық кері байланыс орнату, – деді бас маман.
Бүгінгі таңда тұрғындармен белсенді байланыс орнатылуда, олардың ескертулері мен ұсыныстары ескеріледі.
Гүлбаршын ӨКЕШҚЫЗЫ
