ӘлеуметДенсаулық

«Омикрон» штамынан сақтануда

Коронавирустың ­Омикрон штамы Оңтүстік Африка ғалымдары тапқалы бері бір аптадан астам уақыт ішінде әлемнің 20 еліне тарап үлгерді.  Қазақстанда әлі тіркелмеді. Дегенмен елімізде алдын ала сақтық шаралары жүргізілуде.

[smartslider3 slider=1218]

Қазір көптеген елдер азаматтарын Оңтүстік Африкаға сапарлап баруға тыйым салып, осы елмен әуе қатынасын тоқтатты. Қазақстанда Үкімет отырысында денсаулық сақтау бірінші вице-министрі Марат Шоранов COVID-19 таратпау жөніндегі ведомствоаралық комиссия 3 желтоқсаннан бастап жаңа шектеулер енгізуге шешім қабылдағанын жеткізді. Осылайша Африканың оңтүстігіндегі елдер (ОАР, Ботствана, Лесото, Намибия, Зимбабве, Мозамбик, Мадагас­кар, Эсватини, Малави және Танзания) азаматтарының Қазақстанға келуіне шектеу қойылды. Мұндай шектеу Гонконг азаматтарына да қойы­лып отыр. Омикрон штамы анықталған Израиль, Чехия, Нидерланды, Бельгия, Ұлыбритания, Италия, Германия, Австралия, Канада және Египет азаматтары Қазақстанға келер болса, вакцина салдырған-салдырмағанына қарамастан ПТР тест тапсырады және тест нәтижесі қандай болса да, жеті күн карантинде болады. Үкімет сондай-ақ Египетпен әуе қатынасын тоқтатты. ДДҰ жаңа штамм иммундық реакцияны айналып өтіп, жұқпалылығы мен ғаламдық деңгейде тарау ықтималдығы жоғары болуы мүмкін екенін мәлімдеді.

Тағыда

Ұқсас жаңалықтар

Пікір үстеу

Э-пошта мекенжайыңыз жарияланбайды.

Back to top button