Орталық саябақтағы желілік мұз айдыны 14 желтоқсанда жұмысын бастайды, деп хабарлайды astana-akshamy.kz
14 желтоқсаннан бастап елорда тұрғындары мен қонақтары орталық саябақта орналасқан Астананың ең ұзын мұз айдында коньки тебе алады. Мұз айдынының ұзындығы бір бағытта 290 метрді құрайды, бұл оны басқа қысқы орындардан ерекшелендіреді.
Мұз айдыны маңында конькилерді жалға беретін үш пункт қарастырылған. Онда бағалар жарты сағатқа 1000 теңгеден басталады. Өз конькиімен келушілерге кіру тегін.
Сондай-ақ, саябақта ұзындығы 13 метр болатын мұз сырғанағы ашылды. Сырғанауға өз тюбтарымен келгендер үшін пайдалану тегін, ал жалға алудың бағасы жарты сағатқа 1000 теңгеден басталады.
Саябақта мерекелік көңіл-күйді тақырыптық фотоаймақтар мен жаңа жылдық әшекейлер сыйлайды. Маусымның басты оқиғасы – шыршаны жағу – саябақта 18 желтоқсанда өтеді.
