Өтініштер дер кезінде қаралады
ҚР Қаржы министрлігі Қаржылық бақылау комитетінің Астана қаласы бойынша Қаржылық бақылау инспекциясы (бұдан әрі – Инспекция) «Жеке және заңды тұлғалардың өтініштерін қарау тәртібі туралы» ҚР заңының нормаларын орындау бойынша іс-шаралар жүргізуде.
Азаматтардың өтініштерін қарау бойынша жұмыс – инспекция қызметінің ажырамас бөлігі.
2016 жылғы өткен кезеңде жеке және заңды тұлғалардан 240 өтініш келіп түсті. Барлық өтініш заңнамада белгіленген мерзімде қаралады.
Өтініштерді талдаған кезде олардың басым бөлігі мемлекеттік сатып алуға, жалақыны негізсіз төлеуге, бюджет қаржысын игеруге және басқа да мәселелерге байланысты екені анықталды.
Азаматтардың өтініштерінің маңыздылығына баса назар аудара отырып, Астана қаласының атқарушы органдары тарапынан бұзушылықтарды болдырмау – басты талап.
Инспекция басшылығы бекітілген кесте бойынша азаматтарды қабылдайды. Сонымен бірге, тұрғындардың арыз-шағымына арналған жәшік орнатылған.
Қазақстан Республикасының бюджет заңнамасын, сондай-ақ мемлекеттік сатып алулар туралы заңнамасын бұзушылыққа байланысты фактілер бойынша мына мекен-жайға хабарласуға болады: Астана қ., Петров к-сі, 5-үй немесе 8(7172)35-20-23 сенім телефоны арқылы жүгінуіңізді сұраймыз. Электрондық мекенжай: fink.astana@minfin.gov.kz
Астана қаласы
бойынша Қаржылық бақылау инспекциясы