ӨТКЕН ЖОЛЫМЫЗ ӨНЕГЕЛІ
Елбасы Нұрсұлтан Назарбаев Тұңғыш Президент күніне арналған баяндамасында Қазақстан халқының тәуелсіздікке жеткен жолының тарихи түйінін және аса маңызды үш кезеңін атап өтті.
Бірінші кезең – біздің мемлекетіміздің тұңғыш абсолюттік егеменді мемлекеттік акті ретінде Семей полигонын жабу туралы Жарлықты бекітуі.
Екінші кезең – 1991 жылдың 1 желтоқсанында халқымыздың тарихында тұңғыш рет өткен Қазақстанның Президентің жалпыхалықтық сайлауы.
Үшінші кезең – «Қазақстан Республикасының мемлекеттiк тәуелсiздiгi туралы» Конституциялық заңның қабылдануы.
Шынында да, осы үш шешім Қазақстан тағдырындағы оның кейінгі бағытын анықтаған және әрбір қазақстандықтың мақтаныш ететін жетістіктер мен жеңістерге негіз болды. Әр қазақстандық үшін ең басты, өмірлік маңыздылығы бар оқиға, әрине, 1991 жылдың 16 желтоқсанындағы «Қазақстан Республикасының мемлекеттiк тәуелсiздiгi туралы» Конституциялық заңы қабылданған кезең болып табылады. Аталған Заңның 6-шы бабында белгіленгендей, тарихи тағдыр ортақтастығы қазақ ұлтымен біріктірген республиканың барлық ұлттарының азаматтары Қазақстанның бiртұтас халқын құрайды, бұл халық Қазақстан Республикасындағы егемендiктiң бiрден-бiр иесi және мемлекеттік биліктің қайнар көзi болып табылады, Қазақстан Республикасының Конституциясы мен заңдары негiзiнде тiкелей де, сондай-ақ, өзі сайлайтын мемлекеттiк органдар арқылы да мемлекеттiк өкімет билiгiн жүзеге асырады.
Қазақстанның көп ұлтты халқы осындай заңды көптен бері күткен болатын. Аталған Конституциялық Заң саяси құқықтық және экономикалық қайта құрудағы іргетасы болып, Қазақстанның тәуелсіздігі мен егемендігіне негіз болды.
Мысалы, 1993 жылдың 28 қаңтарында Қазақстан Республикасының бірінші Конституциясы қабылданды. 1995 жылдың 30 тамызында жалпыхалықтық референдумда Қазақстан Республикасының жаңа Конституциясы қабылданды. Дамыған мемлекет құруда 1997 жылдың қазанында қабылданған «Қазақстан – 2030» Стратегиясы негіз болды.
Жалпы, егеменді Қазақстанның 21 жыл өткен кезеңінде Қазақстанның әлеуметтік-экономикалық тұрақты дамуын қамтамасыз ету үшін, мемлекеттік және қоғамдық институттардың дамуына арналған көптеген маңызды Заң актілері қабылданған болатын.
Мемлекет басшысы айтқандай, еліміз үшін өткен екі онжылдық саяси және экономикалық тұрғыда өте маңызды реформалардың жүзеге асуымен, жаңа мемлекеттің орнығуымен, әлем елдерімен қарым-қатынасты нығайтумен байланысты аса серпінді кезең болғаны анық.
Бүгінде қазақстандықтар өткен күндерге көз жүгіртіп, біздің Қазақстан өзінің 21 жыл тәуелсіздігінде, халық өзінің ынталы еңбегінің арқасында, Көшбасшысы Н.Назарбаевпен бірге барлық салада орасан нәтижелерге қол жеткізіп, сапаның жаңа сатысына шыққанын көріп жүр. Бүгінгі таңда, Қазақстанды тәуелсіз мемлекет ретінде бүкіл әлем таниды. Қазақстан өзінің салиқалы саясатының арқасында дүние жүзінде лайықты орнын алды.
Бүгінгі күнде біз, қазақстандықтар, халықаралық алаңда құрмет ететін егеменді мемлекет құрдық. Біз қауіпсіздікті және елдің аумақтық тұтастығын қамтамасыз етеміз. Біз айналамыздағы көршілерімізбен достық қарым-қатынастамыз. Қазақстанның қазіргі заман талап ететін сұрақтарға лайықты деңгейде жауап беруге мүмкіндігі бар.
Ең бастысы, бүгін қазақстандықтар бала-шағасының және немерелерінің келешегін қауіптенбей, болашаққа сенімділікпен қарай алады. Біз оларға күшті және өркендеген мемлекет табыс етуіміз керек және біздің халық өзінің Көшбасшысы Н.Назарбаевтың бастамасымен жаңа жетістіктер мен жеңістерге ұмтылуда.
Дәл осыны тарих бізге, атамекеніміз Қазақстан үшін жауапкершілікті салып біздің заманға тәуелсіздігіміздің басында тұруға мүмкіндік берді. Қазақстанның жаңа тарихында құқықтық мемлекет құру барысында әділет органдары белсенді қатысып, жас мемлекеттің қалыптасуына және нығаюына, құқықтық саясатын іске асыруда өз үлесін қосып келеді.
Осы мереке бізге, барша қазақстандықтарға, өркендеудің бірліктің, ынтымақтың және татулықтың кепілі бола берсін.
Қанат МУСИН,
Астана қаласы Әділет департаментінің бастығы