Sport
ПАЛУАН ҚЫЗДАРЫМЫЗДЫҢ ҰПАЙЫ ТҮГЕЛ
Түркияның Измир қаласында еркін күрестен XVII халықаралық «Жеңімпаздар» турнирі болып өтті. Оған Қазақстан атынан да жасөспірім спортшылар қатысып, тәуір нәтижелерге қол жеткізді.
Атап айтар болсақ, 44 келі салмақтағы ағайынды Эльвира және Эльмира Әбілқайыровалар екінші, үшінші орындарға тұрақтады. Олардың алдын тек қана Болгария елінің өкілі Елена Селишка орап кетті.
Сонымен қатар, 55 келі салмақ дәрежесінде қазақстандық Айгүл Нұрәлім ақтық сында жергілікті палуан Бедия Гүнге жол берсе, жерлесіміз Эмма Тесина қолаға қанағат етіп қайтты. Ал 59 келіде өнер көрсеткен Мәдина Бекбергенова өз салмағы бойынша халықаралық жарыстың үшінші үздік спортшысы атанды.