- Қызға жігіт – комикс, жігітке қыз – көп икс.
- Жұпары жоқтар алқымына иіссу себеді.
- Статистикаға сүйенсек, Сирекшаш үйленгенде, 6 қыз өкініпті.
- Шал-кемпірдің бір баламасы – көп жасаған ұл мен қыз.
- Қазақ әжелер немерелерін «Бұзық болсаң, шекараға жіберем!»
деп қорқытады енді!
- Жұрт Алматыны Алма-Ата деп өзгерткісі келеді. Олай болса, мен
Аста-Анада тұрамын ғой?!
- Ағасы бардың жағасы бар… Танысы бардың шансы бар!
- Масаның еркегі шөптің сөлімен қоректенеді екен. Ал, ұрғашылар
қанды ішіп бітті әбден!
- «Әттең, үйде ұн жоқ. Май болса, көрші үйден қазан алып,
бауырсақ пісірер едім» депті бір байғұс…
- Сәбетский қыздарды сағындым.
- Салафитке таудай талап бергенше, бір қарыс балақ бер!..
- Жылу шешіндіреді, суық киіндіреді, түн жатқызады, таң
тұрғызады… Табиғатты сондықтан ана дейміз!
Сурет те сыр шертеді
«Қыз деген – гүл ғой…».
Еркеғали БЕЙСЕНОВ
