Астана қаласы Төтенше жағдайлар департаменті «Қазгидромет» РМК деректері бойынша Астана қаласында 11 сәуірде шаңды дауыл күтіледі. Осыған байланысты елордалық ТЖД ескерту жариялады, деп хабарлайды astana-akshamy.kz
Синоптиктердің болжамынша, оңтүстіктен жел соғады, кей уақыттарда екпіні 15-18 м/с күтіледі.
Астана қаласының Төтенше жағдайлар департаменті ауа райының өзгеруіне қатысты ақпаратқа назар аударуға шақырады. Жел күшейген кезде тұрғындар мынадай қауіпсіздік шараларын сақтауы керек:
– өте мұқият болыңыз, әлсіз бекітілген және ескі құрылымдарға, қараусыз қалған ғимараттарға, ағаштарға, электр желілеріне жақындамаңыз;
– егер қатты жел кезінде далада қалсаңыз, жерасты өткелдерінде немесе ғимараттардың подъездерін паналау қажет;
– үйлердің қабырғаларына жақын жерде қатты желден жасырынбаңыз, өйткені шатыр мен өзге де заттар құлауы мүмкін;
– егер шаңды дауыл кезінде далада қалсаңыз көзіңізді матамен, көзілдірікпен, т.б. заттармен бүркемелеңіз.
Ал ұйымдар мен мекемелер өз кезегінде:
– көтергіш-көлік жабдықтарын бекіту, ескірген шатырларды, пеш және желдеткіш құбырларды, билбордтарды, баннерлерді нығайту, шатырларды, балкондарды, лоджияларды бөгде заттардан тазарту;
– витриналарды, терезелерді желден қорғаңыз;
– мекемелер ауа райының нашарлауына байланысты дауылды ескерту жарияланған жағдайда кезекшілікті ұйымдастыру.
Сақ болыңыз және төтенше жағдай кезінде 112 нөміріне қоңырау шалыңыз.
