Елордада «Жас Отан» жастар қанаты мүшелерінің атсалысуымен «Сенің күнің, Донор!» атты қайырымдылық акциясы өтті.
Дүниежүзілік донорлар күні қарсаңында өткізілген іс-шараның мақсаты қоғамдастық назарын донорлардың жетіспеушілігі мәселесіне аудару еді.
– Бұрынғы кездегідей белгілі қазақстандық әртістер, шоу-бизнес және қоғам қайраткерлері жобаны қолдады. Олар ауыр сырқат – лейкемияға шалдыққан балаларға көмек көрсеткісі келеді, – дейді «Жас Отан» жастар қанаты Астана қалалық филиалының төрағасы Салтанат Әли.
Сондай-ақ, ол «Донорлықтың нағыз қаһарманы бол!» ұранымен ұйымдастырылып жатқан акцияны биыл «Hot Blооd challenge» ерекше форматының аясында өткізу жоспарланғанын, тап осындай акциялардың арқасында Қазақстанда қанатымен су сепкен қарлығаштай ізгі іс – донорлыққа көзқарастың жақсарып келе жатқанын да айтты.
Айдана ЖАҚСЫЛЫҚҚЫЗЫ
