Елордада үйлерді күзетуге 200-ден артық консьерж қатысады. «Қауіпсіз аула» жобасы аясында 58 тұрғын үй аумағында ЖБО бейнебақылау жүйесі орнатылған, ПИК қаражаты есебінен 40 аула бейнекамерамен жабдықталған.
-Тәжірибе көрсеткендей, қауіпсіздік шаралары сақталатын орындарда пәтер ұрлығы кездеспейді. Сонымен қатар, халық арасында, оның ішінде бұқаралық ақпарат құралдары арқылы департамент тарапынан түсіндірме жұмыстары жиі жүргізіледі. Мәселен, биыл шамамен 700 рет халықпен кездесу өтіп, үйлерді коды бар құлыптар, домофондар, бейнекамералар және күзету-дабыл құралдарымен жабдықтау бойынша үгіттеу жұмыстары ұйымдастырылды, – дейді Астана қаласы ІІД бастығы, полиция генерал-майоры Амантай Әубәкіров.
