Бүгін Қазақстанның бірқатар аймақтарында ауа райы тұрақсыз болады. Республиканың кей жерлерінде қар жауады, қатты жел соғады, көктайғақ та болады, деп хабарлайды «Қазгидромет».
Атап айтқанда, Жамбыл және Шығыс Қазақстан облыстарында жел екпіні 25 м/с болады. Шығыс Қазақстан облысында боран соғып, қөктайғақ болады. Ал Ақмола, Ақтөбе, Алматы, Атырау, Қарағанды, Қостанай, Батыс Қазақстан, Солтүстік Қазақстан, Павлодар, Оңтүстік Қазақстан облыстарында да жел екпіні 15-20 м/с дейін жетіп, тұман түседі дер күтілуде.
