Биылғы жылдың 9 тамыздағы жағдай бойынша Астанада мүлікті заңдастыру бойынша жалпы сомасы 95,5 млрд теңгені құрайтын 7405 өтініш келіп түсті
Соның ішінде 59,0 млрд теңге сомасын құрайтын 9330 тұрғын үй нысаны, 36,6 млрд теңге сомасындағы 9900 тұрғын үй емес нысан, 22,4 млрд теңгенің 1038 коммерциялық нысаны болып отыр. Жалпы 31,8 млрд теңгенің 6 826 мүлкі заңдастырылды.
Бұған қоса, Астана қаласы бойынша Мемлекеттік кірістер департаменті органдарына жалпы сомасы 998,8 млн теңгені құрайтын 8 нысан бойынша 3 арнайы декларация тапсырылды. Ал шет мемлекеттердегі нысандарды жария ету қарқыны да жаман емес. Осы бойынша тиісті мекемеге сомасы 440,8 млн теңге болатын 10 нысан бойынша 8 арнайы декларация өткізілген. Қаржыны заңдастыру бойынша да жұмыс белсенді жүргізіліп жатыр. Бұл саладағы ұсынылған 284 арнайы декларацияның құны 416,3 млрд теңгені құрайды. Сондай-ақ, 8,1 млн теңгенің бағалы қағаздары да заңдастырылғанын атап өткен жөн.
