Қан аздық ауруына шалдыққан қала тұрғындары мен қарияларға көмек ретінде «Нұр Отан» партиясының «Бірлік» филиалы «Қан тапсырып, өзгеге өмір сыйлайық» дәстүрлі қайырымдылық акциясын өткізді.
– Бұл шараны биыл үшінші рет өткізіп жатырмыз. 2013 жылы – 322 адам, былтыр 300-ге жуық донор қан тапсырды. Ал биылғы тіркелген адам саны – 357. Еріктілер көбейіп келеді, ал олардың басым бөлігі жастар болғандығы қуанышымызды екі еселеді, – деді «Бірлік» партиясы төрағасының орынбасары Әлия Қайшарова.
Қасиетті Рамазан айымен тұспа-тұс келгендіктен, шілденің аяғында акция тағы бір мәрте өткізіледі. Статистика бойынша, тұрақты түрде қан тапсыратын адамдар әлдеқайда ұзақ өмір сүреді екен. Сондықтан, гемоглобиніңіз 110-нан кем емес, ал денсаулығыңыз мықты болып, донорлыққа ниеттеніп жатсаңыз, бар болғаны жеке куәлігіңізді алып, акция өтетін жерге бара қалыңыз.
