Қазандағы форумға қатысты
Нұр-Сұлтан қаласының цифрлық жобалары халықаралық KAZAN DIGITAL WEEK апталығында көпшіліктің назарына ұсынылды.
Татарстанда өткен халықаралық форумға Қазақстан атынан қатысқан Нұр-Сұлтан қаласы әкімдігінің Цифрландыру және мемлекеттік қызметтер басқармасының басшысы Ботагөз Қасабек елорданы цифрландыру жобаларын таныстырды.
Дәстүрлі түрде жыл сайын өткізілетін форум ғылыми, техникалық және коммерциялық бағыттардағы IT жобалар мен технологияларды ортаға салудың алаңына айналды.
Цифрлы апталық бұл жолы әлемнің 15 мемлекетінің өкілдері қатысып, қоғам өмірінің сан түрлі саласына инновация мен цифрлық технологияларды енгізу тәжірибесімен бөлісті. Қазақстандық IT-жобалар да бірқатар шетелдік қатысушылардың көзіне түсті. Олар алдағы уақытта әріптестік байланысты жолға қоюға ниетті.
KAZAN DIGITAL WEEK апталығы, Цифрландыру және мемлекеттік қызметтер басқармасы, Ботагөз Қасабек