ҚазАТЗУ-да 3 842 талапкер жалпы білім беру грантына ие болды
![](https://www.astana-akshamy.kz/wp-content/uploads/2024/08/138e70ed23bef285ab90abd1616063e8_1280x720-780x470.jpg)
С.Сейфуллин атындағы Қазақ агротехникалық зерттеу университеті мемлекеттік білім беру гранттарының санын арттырған еліміздің жоғары оқу орындары арасында екінші орынды иеленді, деп хабарлайды astana-akshamy.kz
2023 жылы ҚазАТЗУ-ға барлығы 2 676 грант бөлінді, ал биыл олардың саны 3 842-ге дейін өсті. Бұл — талапкерлердің аграрлық сектор мамандықтарына деген қызығушылығының артқанын көрсетеді.
Гранттардың көпшілігін Жер ресурстарын басқару, сәулет және дизайн факультетінің болашақ студенттері алды – 923. Екінші орында-Энергетика факультеті. Онда 899 грант иегері оқитын болады. Үшінші орында — 638 гранты бар Техникалық факультет.
Жалпы алғанда, университетте грант бойынша білім алушылар саны магистратура мен докторантураны қосқанда 5 мыңға жуық студентке жуықтайды.